गळ्याला अत्तर लावण्याची सवय आहे? थांबा, मान पडू शकते काळी

आजकाल परफ्युम न लावता घराबाहेर पडणारे फार कमी लोक तुम्हाला भेटतील. विशेषतः उन्हाळ्यात, घामाचा वास टाळण्यासाठी आणि स्वतःला ताजेतवाने ठेवण्यासाठी आपण अनेकदा परफ्यूम वापरतो. पण, बहुतेक लोक अत्तर आधी गळ्यात लावतात. जर तुम्ही देखील त्यापैकी एक असाल तर हा लेख तुमच्यासाठी आहे.

जर तुम्हालाही गळ्यात परफ्यूम लावण्याची सवय असेल तर लगेच बंद करा. अन्यथा तुमच्या मानेचा रंग काळा होऊ शकतो. हे तुम्हाला विचित्र वाटेल, पण हे खरे आहे. होय, तज्ज्ञांचे म्हणणे आहे की, मानेवर परफ्यूम लावल्याने तुमच्या मानेचा रंग गडद होऊ शकतो. याबद्दल तपशीलवार जाणून घेण्यासाठी वाचत रहा.

तज्ञ काय म्हणतात?:

परफ्यूममध्ये काही रसायने असतात जी सूर्यप्रकाशाच्या संपर्कात आल्यावर त्वचेला गडद करण्यासाठी प्रतिक्रिया देऊ शकतात. इतकंच नाही तर त्यामुळे त्वचेवर जळजळ होण्यासारख्या समस्याही उद्भवू शकतात. याव्यतिरिक्त, कृत्रिमरित्या सुगंधित परफ्यूममधील काही घटक एखाद्या व्यक्तीची रोगप्रतिकारक शक्ती संवेदनशील करू शकतात, ज्यामुळे प्रभावित भागात पुरळ, लालसरपणा, खाज सुटणे, ऍलर्जी होऊ शकते आणि समस्या आणखी वाढू शकते.

अल्कोहोल आणि कृत्रिम सुगंध असलेल्या परफ्यूममध्ये उपस्थित असलेल्या काही घटकांमुळे त्वचेची जळजळ किंवा ऍलर्जी होऊ शकते. सततची चिडचिड किंवा जळजळ यामुळे मेलेनोसाइट्स अधिक मेलेनिन तयार करतात. त्यामुळे मानेवर काळे डाग पडतात.

परफ्यूम वापरण्याची योग्य पद्धत:

जर तुम्ही परफ्यूम वापरत असाल तर ते तुमच्या त्वचेऐवजी कपड्यांवर लावा. याशिवाय कोणताही परफ्यूम वापरण्यापूर्वी तुम्ही पॅच टेस्ट करा असा सल्ला तज्ज्ञ देतात. तसेच, जर तुम्हाला कोणत्याही परफ्यूममुळे चिडचिड किंवा खाज येत असेल तर ते ताबडतोब वापरणे बंद करा.