घरच्या घरी मलईदार दही कसे बनवावे?
हा लेख घरच्या घरी सहजपणे मलईदार दही बनवण्याची सोपी कृती सांगतो. यामध्ये पूर्ण फॅट दूध उकळून, त्यात जुनं दही मिसळून, उबदार जागी ठेवून दही कसे बनवायचे ते सांगितले आहे.
घरच्या घरी मलईदार दही कसे बनवावे?
हे दही तुम्ही रायता, कढी, लोणी, ताक किंवा श्रीखंडासाठी वापरू शकता! दहीचा वापर करून आपण घरच्याघरी लस्सी बनवू शकतो
साहित्य
संपूर्ण फॅट असलेले दूध (Full Cream Milk) – १ लिटर, जुनं दही / जामण – १ ते २ चमचे (room temperature ला असलेलं)
दूध गरम करा
संपूर्ण फॅट दूध कढईत मध्यम आचेवर चांगलं उकळा. एक उकळी आल्यावर 5-7 मिनिटं मंद आचेवर ढवळत ठेवा – यामुळे दूध घट्ट होतं. दूध थोडं थंड होऊ द्या.
जामण मिसळा
एका स्वच्छ भांड्यात कोमट दुधात 1-2 चमचे जुनं दही टाका. हळूच ढवळा (जास्त ढवळू नका).
दही सेट होऊ द्या
भांड्याला झाकण ठेवा आणि ते उबदार जागेत ठेवा. थंडीच्या दिवसात भांड्याला कापड गुंडाळा किंवा ओव्हनमध्ये/कुकरमध्ये ठेवा.
८-१० तासांनी तयार होईल
दही घट्ट सेट झालं की फ्रीजमध्ये ठेवा. थंड केल्यावर त्याचा मलईदार स्वाद आणखी वाढतो.
टीप
जास्त मलईदार दही हवं असेल तर दूध उकळून गार करताना त्यावर येणारी मलई काढू नका. जामण जास्त आंबट नको असेल तर कमी दही घाला आणि थोडं वेळ कमी ठेवा. दही लवकर लागणं हवं असेल तर थोडंसं साखर किंवा कोमट पाणी वापरू शकता
