Raw Garlic Benefits : हेल्दी राहण्यासाठी प्रत्येकजण वेगवेगळे उपाय करतात. पण घरातील किचनमधील लसूण तुम्हाला निरोगी ठेवण्यास नक्कीच मदत करू शकते. जाणून घेऊया उपाशी पोटी लसूण खाण्याचे फायदे काय आहेत सविस्तर…
मुंबई : लसूण स्वयंपाकघरात वापरला जाणारा एक महत्त्वाचा पदार्थ आहे. पण हा केवळ स्वयंपाकासाठीच नाही तर शरीराच्या आरोग्यासाठीही खूप फायदेशीर आहे. लसणामध्ये बुरशीविरोधी, अॅलर्जीविरोधी इ. गुणधर्म आहेत. कोलेस्ट्रॉल कमी करण्यासाठी लसूण खूप चांगले काम करते. तज्ञांचे म्हणणे आहे की, दिवसाची सुरुवात काही लसणाच्या पाकळ्यांसह करा. त्यामुळे रोज सकाळी उपाशी पोटी २ पाकळ्या लसूण खाल्ल्याने तुमच्या संपूर्ण आरोग्यासाठी खूप फायदेशीर ठरेल. चला तर मग, या लेखात लसूण उपाशी पोटी खाल्ल्याने कोणते फायदे होतात ते जाणून घेऊया.
उपाशी पोटी लसूण खाण्याचे फायदे :
१. रक्तातील साखरेची पातळी नियंत्रित करते
लसूण शरीरातील रक्तातील ग्लुकोजची पातळी कमी करते, रक्तातील साखरेची पातळी नियंत्रित ठेवते आणि मधुमेहाचा धोकाही कमी करते.
२. सर्दी, खोकल्यासाठी चांगले
सर्दी, खोकला, दमा यांसारख्या समस्यांसाठी लसूण खूप चांगले आहे. त्यामुळे रोज एक ग्लास पाण्यासोबत लसूण खा. या समस्यांचा धोका कमी होईल.
Related Articles
३. हृदयरोगाचा धोका कमी होतो
शरीरातील वाईट कोलेस्ट्रॉल कमी करून हृदयरोग होण्यापासून रोखण्यासाठी लसूण खूप मदत करते. यामुळे हृदयविकाराचा झटका येण्यासारखे हृदयासंबंधित आजार होण्यापासून बचाव होतो.
४. डोळ्यांचे आरोग्य सुधारते
लसणामध्ये असलेले अँटी-बॅक्टेरियल आणि अॅलर्जीविरोधी गुणधर्म डोळ्यांचे आरोग्य सुधारण्यास मदत करतात.
५. मूत्रमार्गाचा संसर्ग होण्यापासून रोखते
मासिक पाळीच्या वेळी महिलांना मूत्रमार्गाचा संसर्ग होऊ शकतो, त्यामुळे ते टाळण्यासाठी लसूण मदत करते.
६. रोगप्रतिकारशक्ती वाढवते
लसणामध्ये असलेले गुणधर्म शरीराची रोगप्रतिकारशक्ती वाढवण्यास मदत करतात. त्यामुळे रोज लसूण खा. तुम्ही हंगामी आजारांपासून सुरक्षित राहाल.
७. कर्करोगाला प्रतिबंध करते
लसणामध्ये असलेले अँटी-कार्सिनोजेनिक गुणधर्म मोठ्या आतड्याचा आणि पोटाचा कर्करोग यांसारख्या पचनसंस्थेच्या कर्करोगाचा धोका कमी करण्यास मदत करतात.
८. पचनासाठी चांगले
सकाळी उठल्यावर उपाशी पोटी लसूण खाल्ल्याने पचनास खूप मदत होते. लसूण पचनविकारांना प्रतिबंध करते. शरीरातील अनावश्यक कोलेस्ट्रॉल कमी करून वजन कमी करण्यास मदत करते. त्यामुळे वजन कमी करण्याचा प्रयत्न करणाऱ्यांनी रोज उपाशी पोटी लसूण खावे. तसेच, लसूण शरीरातील विषारी पदार्थ बाहेर काढण्यास मदत करते.
कसे खावे?
सकाळी उठल्यावर उपाशी पोटी २ लसणाच्या पाकळ्या कच्च्या खा आणि एक ग्लास पाणी प्या. असे केल्याने तुम्हाला वर सांगितलेले सर्व फायदे मिळतील. जर तुम्हाला अॅलर्जी किंवा पोटाच्या समस्या असतील तर डॉक्टरांचा सल्ला घेतल्यानंतरच खा.
