- Home
- lifestyle
- Breakup Psychology : ब्रेकअपनंतर मुलींपेक्षा मुलांना जास्त त्रास होतो? संशोधनातून मोठा खुलासा
Breakup Psychology : ब्रेकअपनंतर मुलींपेक्षा मुलांना जास्त त्रास होतो? संशोधनातून मोठा खुलासा
ब्रेकअपनंतर मुलींना जास्त त्रास होतो, असं तुम्ही अनेकदा ऐकलं असेल. पण सत्य काहीतरी वेगळंच आहे. ब्रेकअप झाल्यावर मुलींपेक्षा मुलांना जास्त मानसिक धक्का बसतो. याबद्दल नवीन संशोधन नेमकं काय सांगतं?
ब्रेकअप
ब्रेकअपनंतर फक्त मुलीच जास्त खचतात, असं तुम्हालाही वाटत असेल. पण व्हिएन्ना विद्यापीठाच्या संशोधनानुसार, नातं तुटल्यानंतर पुरुषांना जास्त भावनिक त्रास सहन करावा लागतो.
महिला जास्त भावनिक असतात
कोणत्याही नात्यात महिला जास्त भावनिक असतात आणि त्यांनाच जास्त त्रास होतो, असा सर्वसाधारण समज आहे. पण मानसशास्त्रातील नवीन संशोधन याच्या अगदी उलट सांगतं. नातं तुटल्यावर महिलांपेक्षा पुरुष मानसिकदृष्ट्या जास्त खचतात. ते जास्त दुःखी होतात आणि जुन्या गोष्टी विसरून पुढे जायला त्यांना जास्त वेळ लागतो.
पुरुषांमध्ये आत्महत्येचा धोका जास्त
मायकेल विल्सन यांच्या संशोधनानुसार, नातं तुटल्यानंतर पुरुषांमध्ये आत्महत्येचा धोका वाढण्याची शक्यता असते. संशोधनात असं दिसून आलंय की, पुरुषांसाठी त्यांची जोडीदार फक्त एक पार्टनर नसते, तर ती मित्र किंवा कुटुंबापेक्षाही जास्त विश्वासाची व्यक्ती असते. आपल्या भावना मोकळेपणाने मांडण्यासाठी आणि भावनिक आधारासाठी ते जोडीदारावरच जास्त अवलंबून असतात.
जोडीदाराकडून मिळतो भावनिक आधार
व्हिएन्ना विद्यापीठाच्या संशोधक आयरिस वॉरिंग सांगतात की, नात्यांबद्दल समाजाचा दृष्टिकोन आणि वास्तव यात खूप फरक आहे. ५० पेक्षा जास्त संशोधनं आणि मेटा-विश्लेषणाच्या आधारे त्यांनी सांगितलंय की, नातं संपल्यावर महिलांपेक्षा पुरुष जास्त खचतात. प्रेम आणि नात्याच्या बाबतीत पुरुष जोडीदारावर जास्त अवलंबून असतात. त्यामुळे ब्रेकअपनंतर त्यांना जास्त एकटेपणा जाणवतो.
पुरुष आधी प्रेम व्यक्त करतात
पुरुष सहसा प्रेमाची कबुली आधी देतात. पण जेव्हा ब्रेकअप होतं, तेव्हा ते खूप भावनिक प्रतिक्रिया देतात. याचं मुख्य कारण म्हणजे नातं तुटल्यावर त्यांचा भावनिक आधारच कोसळतो. याशिवाय, एकटं राहण्याच्या किंवा लग्न न होण्याच्या विचाराने काही पुरुष जास्त काळजीत पडतात.
महिला आधी नातं मोडतात
प्रेमाची कबुली देणारे पुरुष आधी असू शकतात. पण आकडेवारीनुसार, घटस्फोट किंवा नातं संपवण्याचा निर्णय जवळपास ७० टक्के महिला आधी घेतात. महिला हळूहळू नवीन आयुष्याशी जुळवून घेण्याचा प्रयत्न करतात. पण काही पुरुष एकटेपणा आणि तणावाचे शिकार होतात. काही जण दारूसारख्या व्यसनांच्या आहारी जातात, तर काही जण लग्नापासून दूर राहतात किंवा नवीन नातं जोडायला घाबरतात.
पुरुषांच्या आयुष्यावर ब्रेकअपचा परिणाम
या संशोधनात पुरुषांमधील आत्महत्येच्या धोक्यावरही चर्चा केली आहे. आकडेवारीनुसार, नातं तुटल्यानंतर ४२ टक्के पुरुषांनी आत्महत्या केली आहे, तर महिलांमध्ये हे प्रमाण २२ टक्के आहे. असं असलं तरी, समाज पुरुषांनाच फसवणारे किंवा कमी भावनिक मानतो. वास्तवात, नातं तुटल्यावर पुरुषांनाही तीव्र मानसिक वेदना होतात. त्यामुळे त्यांच्या भावना समजून घेणं आणि त्यांना योग्य मानसिक आधार देणं खूप गरजेचं आहे.
