Baba Vanga Gold Price Prediction : बाबा वेंगा यांनी भविष्यवाणी केली होती की, आर्थिक अनिश्चितता वाढेल आणि लोक सोने, चांदी यांसारख्या सुरक्षित मालमत्तांकडे वळतील.
Baba Vanga Gold Price Prediction : 1996 मध्ये मृत्यूनंतर जगभरात प्रसिद्ध झालेल्या बाबा वेंगा यांची सोन्याच्या दराबाबतची भविष्यवाणी खरी ठरली आहे. सध्याच्या परिस्थितीत सामान्य माणसाला सोनं खरेदी करणं जवळपास अशक्य झालं आहे. 2026 मध्ये जागतिक अर्थव्यवस्थेवर मोठा ताण येईल आणि त्यामुळे सोन्याची मागणी वाढेल, अशी भविष्यवाणी बाबा वेंगा यांनी केली होती. 2026 पर्यंत जागतिक अर्थव्यवस्था अधिक अस्थिर होईल. पारंपरिक बँकिंग प्रणालीचे मोठे नुकसान होऊ शकते, असेही अहवाल सांगतात. बँकिंग क्षेत्रातील अस्थिरता, चलनाचे अवमूल्यन आणि बाजारातील तरलतेची कमतरता हे बँकिंग संकटाचे परिणाम आहेत. यामुळे आर्थिक अनिश्चितता वाढेल आणि लोक सोने, चांदी यांसारख्या सुरक्षित मालमत्तांकडे वळतील, असे बाबा वेंगा यांनी म्हटले होते. ही भविष्यवाणी अक्षरशः खरी ठरत असून सोने आणि चांदीच्या दरात मोठी वाढ होत आहे.
तीन वर्षांत सोन्याचे दर तिपटीने वाढले
सध्या एक ग्रॅम सोन्यासाठी 14845 रुपये मोजावे लागत आहेत. गेल्या तीन वर्षांतील सोन्याच्या दराचा आलेख पाहिल्यास, सोन्याचे दर तिपटीने वाढले आहेत. गेल्या तीन वर्षांतील सोन्याचे दर पाहिल्यास, 24 कॅरेट 10 ग्रॅम सोन्याचा दर सप्टेंबर 2022 मध्ये 50,000 च्या पुढे गेला आणि वर्षाच्या अखेरीस 52,670 रुपये होता. 2023 मध्ये तो 65,330 रुपये होता. तसेच, 2024 च्या अखेरीस तो 77,913 रुपये झाला. गेल्या वर्षाच्या अखेरीस तो एक लाखाचा टप्पा ओलांडून 1,30,000 रुपयांवर पोहोचला. या वर्षाच्या सुरुवातीलाच सोन्याचे दर दीड लाखांच्या पुढे गेले आहेत. अमेरिकेच्या कर धोरणामुळे जागतिक अर्थव्यवस्था पूर्णपणे अस्थिर झाली आहे. याचा परिणाम म्हणून, जागतिक गुंतवणूकदार सध्या फक्त सोन्यातच गुंतवणूक करत आहेत. त्यामुळे सोन्याची मागणी वाढून दर वाढतच आहेत.
जागतिक अर्थव्यवस्थेतील अस्थिरतेमुळे गुंतवणूकदारांनी विविध शेअर्समधील रस गमावला आहे. पूर्वीपासून सुरक्षित गुंतवणूक म्हणून विश्वास असलेल्या सोन्यातच गुंतवणूक करण्यास गुंतवणूकदार पसंती देत आहेत. आगामी काळात दर आणखी वाढतील की कमी होतील, हे केंद्रीय अर्थसंकल्प ठरवेल. वाढती मागणी लक्षात घेऊन आयात शुल्क कमी केल्यास स्थानिक पातळीवर सोन्याच्या दरात बदल होऊ शकतो. GST दरांमध्ये बदल केल्यासही दर कमी होण्यास मदत होईल. असा काही बदल होतो की नाही, हे पाहण्यासाठी आता फक्त एका दिवसाची प्रतीक्षा आहे.
