Viral Video: आधार कार्डवर महिलांना मिळणार मोफत स्कूटर? पण सरकार काय सांगते...
Viral Video: पंतप्रधान नरेंद्र मोदी यांच्या नेतृत्वाखालील सरकार भारतीय महिलांना आधार कार्डच्या आधारावर मोफत स्कूटर देत असल्याचा एक व्हिडिओ वेगाने व्हायरल होत आहे. मात्र याबाबत एक महत्त्वाची माहिती समोर आली आहे.
मोफत स्कूटर योजना
सोशल मीडियावर पंतप्रधान नरेंद्र मोदी महिलांना आधार कार्डवर मोफत स्कूटर देत असल्याचा एक व्हिडिओ व्हायरल होत आहे. या व्हिडिओमध्ये सरकारने नवीन योजना जाहीर केल्याचा दावा आहे. पण ही माहिती खरी आहे का, असा प्रश्न अनेकांना पडला आहे.
केंद्र सरकारचे स्पष्टीकरण
या प्रकरणी पीआयबीने (PIB) अधिकृत स्पष्टीकरण दिले आहे. हा व्हिडिओ आर्टिफिशियल इंटेलिजन्स (AI) तंत्रज्ञानाने तयार केला असून, केंद्र सरकारने अशी कोणतीही योजना जाहीर केलेली नाही, असे स्पष्ट केले आहे.
सरकारी योजनेबद्दल महत्त्वाचा इशारा
सरकारी योजनांची माहिती घेण्यासाठी फक्त अधिकृत MyScheme पोर्टल वापरावे, असे आवाहन लोकांना केले आहे. सोशल मीडियावरील व्हिडिओ आणि बातम्यांवर तपासणीशिवाय विश्वास ठेवू नका, असा इशाराही दिला आहे.
सोशल मीडियावर खोट्या बातम्या
AI तंत्रज्ञानाने राजकीय नेत्यांचे बनावट आवाज आणि चेहरे तयार करण्याचे प्रकार वाढले आहेत. यामुळे चुकीची माहिती पसरून लोकांची दिशाभूल होते. अधिकृत घोषणेशिवाय येणाऱ्या ऑफर्सवर विश्वास न ठेवता सावध राहा.
