UP Student Stalks Teacher For Years Cuts Her Lips : यापूर्वी आग्रा रोडवरील एका खासगी शाळेत शिकवणाऱ्या शिक्षिकेला तेथे शिकणारा एक विद्यार्थी सतत त्रास देत होता, असे शिक्षिकेच्या भावाने सांगितले.
UP Student Stalks Teacher For Years Cuts Her Lips : उत्तर प्रदेशमध्ये एका बारावीच्या विद्यार्थ्याने शिक्षिकेचा पाठलाग करून तिचे ओठ कापले. उत्तर प्रदेशातील मैनपुरी येथे २६ जानेवारी रोजी ही धक्कादायक घटना घडली. आरोपीने धारदार शस्त्राने शिक्षिकेचे दोन्ही ओठ कापल्याची माहिती पोलिसांनी दिली. याप्रकरणी पोलिसांनी १७ वर्षीय विद्यार्थ्याविरोधात गुन्हा दाखल केला आहे. फरार आरोपीचा शोध सुरू असल्याचे कोतवाली स्टेशन हाऊस ऑफिसर फतेह बहादूर सिंह यांनी सांगितले. यापूर्वी आग्रा रोडवरील एका खासगी शाळेत शिकवणाऱ्या शिक्षिकेला तेथे शिकणारा एक विद्यार्थी सतत त्रास देत होता, असे शिक्षिकेच्या भावाने सांगितले.
अनेकदा समज देऊनही बारावीचा विद्यार्थी शिक्षिकेला त्रास देतच राहिला. पालक सभेत शिक्षिकेने विद्यार्थ्याच्या आईकडे याबद्दल तक्रार केली होती. मुलाचे वागणे योग्य नसून त्याला आवर घालावा, अशी विनंती शिक्षिकेने केली. यापुढे मुलगा असे वागणार नाही, असे आश्वासन आईने दिले होते. मात्र, विद्यार्थ्याचा त्रास सुरूच राहिला. अखेर विद्यार्थ्याच्या वागण्याला कंटाळून शिक्षिकेने राजीनामा दिला आणि दुसऱ्या शाळेत नोकरी सुरू केली. पण आरोपीने तिचे नवीन कामाचे ठिकाण शोधून काढले आणि तिचा पाठलाग करणे सुरूच ठेवले. आरोपीने लैंगिक हेतूने शिक्षिकेशी संपर्क साधण्याचा प्रयत्न केल्याचे वृत्त आहे.
Related Articles
२६ जानेवारी रोजी कामावर जात असताना विद्यार्थ्याने शिक्षिकेला अडवून धारदार शस्त्राने हल्ला केला आणि तिचे दोन्ही ओठ कापून घटनास्थळावरून पळ काढला. शिक्षिकेची प्रकृती गंभीर असून तिच्यावर उपचार सुरू आहेत. तिच्या भावाने दिलेल्या तक्रारीवरून गुन्हा दाखल करण्यात आला असून, फरार आरोपीला पकडण्यासाठी मोठ्या प्रमाणावर शोधमोहीम सुरू करण्यात आल्याचे पोलिसांनी सांगितले.
