Pradip Purnekar

प्रदीप पूर्णेकर प्रकरणात एकनाथ शिंदे यांनी टायगर श्रॉफची भेट घेतली, मात्र पूर्णेकर कुटुंबीयांची भेट घेतली नाही, या संजय राऊतांच्या आरोपाला मंत्री योगेश रामदास कदम यांनी उत्तर दिलं. पूर्णेकर प्रकरणात कोणालाही वाचवलं जाणार नाही आणि तपासात पुरावे आढळल्यास संबंधितांवर कारवाई केली जाईल, असं त्यांनी सांगितलं. मंत्री प्रताप सरनाईक यांनी कुटुंबीयांची भेट घेतल्याचा उल्लेख करत विरोधकांनी कुटुंबाच्या दुःखाचं राजकारण करू नये, असं कदम म्हणाले. महाराष्ट्रात राष्ट्रपती राजवट लागू करण्याच्या राऊतांच्या मागणीवरून त्यांनी ठाकरे सरकारच्या काळातील अंबानी निवासस्थानाजवळील स्फोटकं आणि साधूंच्या प्रकरणाचा उल्लेख करत टीका केली. स्वतंत्र पूर्णवेळ गृहमंत्र्यांच्या मागणीवरही प्रश्न उपस्थित करत देवेंद्र फडणवीस यांच्या गृहखात्याच्या कामकाजाचं आणि मुंबई पोलिसांच्या कायदा-सुव्यवस्था हाताळण्याचं कौतुक केलं.