कमालच केली...! पाचव्या मुलाला 11 महिने होताच सीमा हैदरने दिला आणखी एका मुलाला जन्म!
Seema Haider Gives Birth to Baby Boy Second Child with Sachin Meena : पाकिस्तानातून सीमा ओलांडून भारतीय प्रियकर सचिन मीनाकडे आलेली सीमा हैदर पुन्हा एकदा आई झाली आहे. तिने नोएडातील एका खासगी रुग्णालयात मुलाला जन्म दिला.
आणखी एका मुलाला जन्म देणारी सीमा हैदर
भारतीय वंशाच्या सचिन मीनाशी लग्न करण्यासाठी सीमा ओलांडून आलेली पाकिस्तानी महिला सीमा हैदरने आता आणखी एका मुलाला जन्म दिला आहे. अवघ्या ११ महिन्यांपूर्वीच सीमा हैदरने एका मुलीला जन्म दिला होता. आता भारतात आल्यानंतर सीमाने दुसऱ्या मुलाला जन्म दिला असून, सचिन मीना आणि सीमा हैदर पुन्हा एकदा पालक झाले आहेत.
PUBG खेळता-खेळता झाले प्रेम
पाकिस्तानी वंशाची सीमा हैदर आणि सचिन मीना यांची ऑनलाइन PUBG गेम खेळताना ओळख झाली आणि त्यांच्यात प्रेमसंबंध सुरू झाले. प्रियकर सचिनसाठी तिने नेपाळमार्गे बेकायदेशीरपणे सीमा ओलांडली होती. सीमा हैदरचे पाकिस्तानात आधीच लग्न झाले होते आणि तिला चार मुले होती. मे २०२३ मध्ये, ती आपल्या मुलांसह पाकिस्तान सोडून भारतात आली.
पहिल्या पतीच्या ४ मुलांसह सीमाला आहेत ५ मुले
सीमा मूळची पाकिस्तानच्या जेकबाबादची रहिवासी असून, तिचे मूळ नाव सीमा गुलाम हैदर होते. पण आता तिने पुन्हा एका मुलाला जन्म देऊन सर्वांना आश्चर्यचकित केले आहे. सहाव्यांदा आई बनलेल्या सीमाने ग्रेटर नोएडातील एका खासगी रुग्णालयात मुलाला जन्म दिला आहे. सचिनसोबतचे हे तिचे दुसरे बाळ आहे. खासगी रुग्णालयाने दिलेल्या माहितीनुसार, ही नैसर्गिक प्रसूती असून, आई आणि बाळ दोघेही निरोगी आहेत.
नोएडामध्ये राहणारी सीमा
रुग्णालयातून डिस्चार्ज मिळाल्यानंतर, सीमा आपल्या नवजात मुलासह गौतम बुद्ध नगरमधील रबूपुरा येथील घरी आली आहे. दुसरे बाळ झाल्याच्या आनंदात सचिन आणि त्याच्या कुटुंबीयांनी शेजाऱ्यांना मिठाई वाटून आनंद साजरा केला. २०१९ मध्ये PUBG खेळताना सीमा आणि सचिनची ओळख झाली होती. हळूहळू ते प्रेमात पडले.
त्यांची लव्ह स्टोरी ठरली होती चर्चेचा विषय
पण सचिनसाठी सीमा हैदर २०२३ मध्ये भारतात आल्यानंतर, ते ग्रेटर नोएडाच्या रबूपुरा परिसरात एकत्र राहू लागले. त्यांची लव्ह स्टोरी देशभरात चर्चेचा विषय बनली होती. त्याआधी सीमा हैदरने दुबईत काम करणाऱ्या एका पाकिस्तानी व्यक्तीशी लग्न केले होते.
सीमाच्या पहिल्या पतीने भारत सरकारकडे केली विनंती
भारतात आल्यावर तिला आणि सचिनला पोलिसांनी अटक केली होती. पण नंतर त्यांना जामीन मंजूर झाला. जामिनानंतर, सीमाने तिच्या सोशल मीडियाद्वारे सांगितले की, तिने नेपाळ सीमेवरून भारतात प्रवेश केला आणि ऑनलाइन भेटलेल्या सचिनसोबत राहण्यासाठी बसने नोएडा गाठले. २०२५ च्या सुरुवातीला, तिचा पहिला पती गुलाम हैदर याने आपल्या मुलांना भेटण्याची आणि त्यांचा ताबा मिळवण्याची परवानगी देण्यासाठी भारत सरकारकडे विनंती केली होती.
