पीएम सूर्य घर योजनेसाठीची नोंदणीला सुरुवात झाली आहे. केंद्र सरकारच्या मोफत वीज योजनेअंतर्गत लाभार्थ्यांना 300 युनिटपर्यंत मोफत विजेचा लाभ मिळणार आहे.
PM Surya Ghar : केंद्र सरकारने प्रधानमंत्री मोफत वीज योजना सुरू केली आहे. आता त्याची नोंदणी सुरू झाली आहे. केंद्र सरकारच्या मोफत वीज योजनेंतर्गत लाभार्थ्यांना 300 युनिट मोफत विजेचा लाभ मिळणार आहे. या योजनेत घराच्या छतावर सोलर पॅनल बसवण्यात येणार आहेत. या योजनेत सरकार 75 हजार कोटी रुपयांची गुंतवणूक करणार आहे. योजनेच्या लाभार्थ्यांना शासन अनुदान देईल.
1 कोटी कुटुंबांना योजनेचा लाभ मिळणार
पीएम सूर्य घर मोफत वीज योजनेंतर्गत 1 कोटी कुटुंबांना लाभ दिला जाणार आहे. घराच्या छतावर सोलर पॅनल बसवल्यानंतर योजनेच्या लाभार्थ्यांना अनुदान दिले जाईल. या योजनेचा लाभ घेण्यासाठी तुम्ही ऑफलाइन आणि ऑनलाइन नोंदणी करू शकता. प्रथम ऑनलाइन प्रक्रिया जाणून घ्या.
- ऑनलाइन नोंदणी प्रक्रिया
या योजनेचा लाभ घेण्यासाठी तुम्हाला pmsuryaghar.gov.in या वेबसाइटला भेट द्यावी लागेल. येथे आम्ही तुम्हाला स्टेप बाय स्टेप सांगणार आहोत. - सर्वप्रथम सरकारच्या अधिकृत वेबसाइट pmsuryaghar.gov.in वर जा.
- रुफटॉप सोलरसाठी अर्ज करण्याचा पर्याय निवडा.
- त्यानंतर तुमचे राज्य आणि वीज वितरण कंपनीचे नाव निवडा.
- यानंतर तुमचा ग्राहक क्रमांक, मोबाइल क्रमांक आणि ईमेल टाका.
- यानंतर, ग्राहक क्रमांक आणि मोबाइल क्रमांक टाकून लॉग इन करा.
- फॉर्म उघडल्यावर त्यात आवश्यक ती माहिती भरा.
- या सर्व प्रक्रिया पूर्ण झाल्यानंतर, तुम्हाला मंजूरी मिळेल, त्यानंतर डीआयडीकॉममध्ये नोंदणीकृत विक्रेत्याकडून प्लांट बसवून घ्या.
खालील पद्धतीने ऑफलाइन अर्ज करा -
या योजनेचा लाभ घेण्यासाठी लोक पोस्ट ऑफिसद्वारे नोंदणी करू शकतात. कर्नाटकात या योजनेअंतर्गत पंतप्रधान सूर्य घर मोफत वीज योजनेची नोंदणी करता येते.
जाणून घ्या किती सबसिडी मिळणार
या योजनेसाठी अर्ज करण्यासाठी, तुमच्याजवळ मागील 6 महिन्यांची वीज बिले असणे आवश्यक आहे. केंद्र सरकारने अर्थसंकल्पात जाहीर केले की, नवीन सोलर रूफटॉप योजनेत ग्राहकांना तीन किलोवॅटपर्यंतच्या कनेक्शनसाठी 30 हजार रुपये प्रति किलोवॅट आणि तीन किलोवॅटच्या वरच्या कनेक्शनसाठी 18 हजार रुपये प्रति किलोवॅट अनुदान मिळू शकते.
अधिक वाचा -
पंतप्रधान नरेंद्र मोदींनी देखो अपना देश पीपल्स चॉईस 2024 या पर्यटन उपक्रमाचे केले अनावरण, 6,400 कोटी रुपयांपेक्षा जास्त किमतीच्या प्रकल्पांचा शुभारंभ
NDA : चंद्राबाबू नायडू 6 वर्षांनंतर पुन्हा NDA मध्ये सामील होण्याची शक्यता, अमित शहा यांची घेतली भेट
आदियोगी येथे सद्गुरूंसोबत महाशिवरात्रीसाठी टाइम्स स्क्वेअर लाइट्स; न्यू यॉर्ककर "हर हर महादेव" च्या जयघोषात झाले दंग
