Premium Petrol Price Hiked in India Amid West Asia Tensions: पश्चिम आशियातील तणावामुळे तेल कंपन्यांनी प्रीमियम पेट्रोलच्या दरात वाढ केली आहे. BPCL, HPCL आणि IOCL च्या प्रीमियम पेट्रोलसाठी आता जास्त पैसे मोजावे लागतील. मात्र, सामान्य पेट्रोलच्या दरात कोणताही बदल झालेला नाही.
Premium Petrol Price Hiked in India Amid West Asia Tensions नवी दिल्ली: पश्चिम आशियामध्ये सुरू असलेल्या संघर्षामुळे देशात प्रीमियम पेट्रोलच्या दरात वाढ करण्यात आली आहे. वेगवेगळ्या कंपन्यांनी प्रीमियम पेट्रोलच्या दरात प्रति लिटर २.३५ रुपयांपर्यंत वाढ केली आहे. मात्र, सामान्य पेट्रोलच्या दरात कोणतीही वाढ केलेली नाही.
BPCL चे 'स्पीड' (Speed), HP चे 'पॉवर' (Power) आणि IOC चे 'एक्सपी ९५' (XP 95) यांसारख्या प्रीमियम पेट्रोलच्या दरात प्रति लिटर २.०९ रुपये ते २.३५ रुपयांपर्यंत वाढ झाली आहे. हे नवे दर आजपासून लागू झाले आहेत.
या दरवाढीमुळे जे वाहनचालक प्रीमियम इंधन वापरतात, त्यांच्या खिशावर अतिरिक्त भार पडणार आहे. जर हा संघर्ष असाच सुरू राहिला, तर भविष्यात सामान्य पेट्रोलचे दरही वाढू शकतात, असा संकेत या निर्णयामुळे मिळत आहे.
Related Articles
दरम्यान, देशातील सर्व रिफायनरी पूर्ण क्षमतेने काम करत असून, कुठेही एलपीजी (LPG) किंवा पेट्रोलचा तुटवडा नाही, असं अधिकाऱ्यांनी पुन्हा एकदा स्पष्ट केलं आहे. नागरिकांनी पर्यायी इंधनांचाही विचार करावा, असं आवाहनही त्यांनी केलं.
