दुर्गा पूजेच्या वेळेस रिक्षा प्रवासाचा व्हिडिओ व्हायरल झाल्यानंतर अभिषेक मुखर्जी आणि त्यांचं कुटुंब पुन्हा एकदा चर्चेत आलं आहे. यावेळी ते कारमध्ये गाणं गाताना दिसत असून त्यांच्या मुलाचं गोड हसू मन जिंकत आहे.
मुंबई : दुर्गा पूजेच्या वेळी लक्ष वेधून घेणारं कोलकाता येथील एक कपल पुन्हा एकदा सोशल मीडियावर चर्चेत आलं आहे. नव्या व्हिडिओमध्ये अभिषेक मुखर्जी 'बडे अच्छे लगते है' हे गाणं गाताना दिसत आहेत. त्यांची पत्नी कार चालवत आहे, तर मागच्या सीटवर बसलेला त्यांचा मुलगा गोड हसताना दिसत आहे.
अभिषेक हे कलकत्ता इलेक्ट्रिक सप्लाय कॉर्पोरेशन (CESC) मध्ये चार्टर्ड अकाउंटंट (CA) म्हणून काम करतात. दुर्गा पूजेदरम्यान पत्नीसोबत रिक्षा प्रवासाचा आनंद लुटतानाचा त्यांचा एक व्हिडिओ इंटरनेटवर व्हायरल झाला होता. या व्हिडिओमध्ये हे कपल उत्तर कोलकात्यातील सणासुदीच्या काळात सजलेल्या रस्त्यांवरून हसतमुख प्रवास करताना दिसलं होतं. त्यांच्या या साधेपणाने अनेकांची मनं जिंकली होती.
अभिषेक यांनी त्यांच्या इन्स्टाग्राम प्रोफाइलवर शेअर केलेल्या नव्या व्हिडिओमध्ये त्यांच्या कौटुंबिक जीवनाची आणखी एक सुंदर झलक पाहायला मिळते. यावेळी ते पॅसेंजर सीटवर बसून 'बालिका वधू' चित्रपटातील लोकप्रिय गाणं गुणगुणत आहेत आणि त्यांची पत्नी ड्रायव्हिंग करत आहे.
Related Articles
या व्हिडिओतील सर्वात गोड गोष्ट म्हणजे मागच्या सीटवर बसलेला त्यांचा मुलगा. आई-वडिलांच्या आनंदी मूडसोबत तोही कॅमेऱ्यात सतत हसताना दिसत आहे.
हा व्हिडिओही खूप व्हायरल झाला आहे. नेटकऱ्यांना या कपलची साधी केमिस्ट्री आणि मुलाच्या क्युट रिअॅक्शन्स खूप आवडल्या आहेत. या नेहमीच्या कार राईडमध्ये या जुन्या हिंदी गाण्याने एक खास नॉस्टॅल्जिक फील आणला आहे.
याआधी त्यांच्या रिक्षा व्हिडिओवरून बरीच चर्चा झाली होती. दुर्गा पूजेच्या वेळी शूट झालेल्या त्या व्हिडिओमध्ये हे कपल आपल्या लहान मुलासोबत उत्तर कोलकात्यातील अरुंद आणि रोषणाई केलेल्या रस्त्यांवरून प्रवास करताना दिसलं होतं.
