Gemini AI: गूगलचं मोठं अपडेट! आता क्रोम ब्राउझरच करणार तुमची सगळी कामं...
Gemini AI: गूगलने भारतात क्रोम ब्राउझरसाठी Gemini AI फीचर आणलं आहे. आता वेबपेज सारांशित करणे आणि माहितीची तुलना करणे झालं सोपं. जाणून घ्या या नव्या फीचरबद्दल सविस्तर.
16
Image Credit : Getty
गूगल क्रोम ब्राउझरमध्ये गूगलचा मास्टर प्लॅन
इंटरनेट विश्वातील दिग्गज कंपनी गूगलने आपला क्रोम (Chrome) ब्राउझर आणखी स्मार्ट बनवला आहे. बऱ्याच काळापासून चर्चेत असलेलं 'Gemini AI' फीचर आता भारतीय युझर्ससाठी अधिकृतपणे लाँच झालं आहे. यामुळे, आता तुम्ही फक्त माहिती शोधण्याऐवजी थेट ब्राउझरशी संवाद साधू शकाल.
26
Image Credit : Getty
साईडबारमध्ये आला Gemini असिस्टंट
भारतातील डेस्कटॉप युझर्सना आता क्रोम ब्राउझरच्या उजव्या बाजूला एक नवीन 'साईडबार' (Sidebar) दिसेल. इथे Gemini AI असिस्टंट तुमच्यासाठी नेहमी तयार असेल. तुम्ही एखादी वेबसाइट वाचत असताना, पेज न सोडता थेट साईडबारमध्येच Gemini ला प्रश्न विचारू शकता. यामुळे तुमचा वेळ वाचेल आणि सर्चिंग सोपं होईल.
36
Image Credit : gemini
मोठे लेख काही क्षणात सारांशित करा
मोठे लेख किंवा ब्लॉग पोस्ट वाचायला वेळ नाहीये? काळजी करू नका. क्रोम साईडबारमधील Gemini ला फक्त 'Summarize' करायला सांगा. ते काही क्षणात त्या पेजवरील महत्त्वाची माहिती तुम्हाला काही ओळींमध्ये देईल. विद्यार्थी आणि ऑफिसमध्ये काम करणाऱ्यांसाठी हे एक वरदानच आहे.
46
Image Credit : Getty
टॅब्सची तुलना करणारी 'Compare Tabs' सुविधा
ऑनलाइन शॉपिंग करताना किंवा फिरायला जाण्याचा प्लॅन करताना आपण अनेक टॅब्स (Tabs) उघडून ठेवतो. आता Gemini AI च्या मदतीने, तुम्ही वेगवेगळ्या टॅब्समधील माहितीची सहज तुलना करू शकता. उदाहरणार्थ, दोन वेगवेगळ्या फोनची वैशिष्ट्ये तपासायला सांगितल्यास, Gemini तुम्हाला एका टेबलमध्ये ती माहिती देईल.
56
Image Credit : our own
मराठीसह भारतीय भाषांमध्ये उपलब्ध
गूगलने भारतीय युझर्ससाठी एक खास बदल केला आहे. Gemini AI आता मराठी, हिंदी, तमिळ, तेलुगू, कन्नड अशा 8 भारतीय भाषांमध्ये काम करेल. त्यामुळे ज्यांना इंग्रजी येत नाही, ते सुद्धा आपल्या मातृभाषेत ब्राउझरला प्रश्न विचारून उत्तरं मिळवू शकतात.
66
Image Credit : our own
मोबाईल आणि इतर सुविधा
डेस्कटॉपशिवाय, आयफोन (iOS) युझर्ससाठीही क्रोममध्ये ही Gemini सुविधा आणली आहे. इतकंच नाही, तर हे फीचर जीमेल (Gmail), यूट्यूब (YouTube) आणि गूगल मॅप्ससारख्या गूगलच्या इतर सेवांसोबतही काम करेल. यामुळे तुम्ही थेट क्रोम पेजवरूनच ईमेल लिहिणे किंवा यूट्यूब व्हिडिओचा सारांश मिळवणे अशी कामं करू शकाल.
