भाजपचे माजी खासदार रमेश बिधुरी यांनी काँग्रेस खासदार प्रियंका गांधी यांच्यावर अश्लील टिप्पणी केल्याने वाद निर्माण झाला आहे. कालकाजी विधानसभा मतदारसंघातून भाजपचे उमेदवार असलेल्या बिधुरी यांच्या वक्तव्यावरून काँग्रेस आणि आपने भाजपवर टीका केली आहे.
नवी दिल्ली : लोकसभेत बसपा खासदार कुंवर दानिश अली यांच्यावर जाहीरपणे आक्षेपार्ह टिप्पणी करणारे भाजपचे माजी खासदार रमेश बिधुरी पुन्हा एकदा वादात सापडले आहेत. दिल्लीतील कालकाजी विधानसभा मतदारसंघातून भाजपचे घोषित उमेदवार रमेश बिधुरी यांनी काँग्रेस खासदार प्रियांका गांधी यांच्यावर जाहीरपणे अश्लील टिप्पणी करून पुन्हा एकदा वाद निर्माण केला आहे. रमेश बिधुरी यांच्या वक्तव्यानंतर काँग्रेस आणि आम आदमी पार्टीने भाजपवर महिलांचा अपमान करणाऱ्यांचा सन्मान केल्याचा आरोप केला आहे.
रमेश बिधुरी यांनी प्रियंका गांधी यांच्या बाबत काय वक्तव्य केले?
कालकाजी येथील भाजपचे उमेदवार रमेश बिधुरी यांनी कार्यकर्त्यांच्या कार्यक्रमात सांगितले की, ते जिंकले तर कालकाजीचे रस्ते प्रियंका गांधींच्या गालासारखे बनवू. कालकाजी हा दक्षिण दिल्लीचा भाग आहे. रमेश बिधुरी या भागातून दोन वेळा खासदार झाले आहेत.
भाजपकडून कालकाजीमधून रमेश बिधुरी यांना उमेदवारी
भाजपच्या पहिल्या यादीत कालकाजीमधून रमेश बिधुरी यांना उमेदवारी जाहीर करण्यात आली आहे. ते मुख्यमंत्री आतिशी यांच्या विरोधात निवडणूक लढवत आहेत. भाजपने २०२४ मध्ये दोन वेळा खासदार राहिलेले रमेश बिधुरी यांचे तिकीट रद्द केले होते. त्यांनी लोकसभेत बसपा खासदार दानिश अली यांच्या बाबत आक्षेपार्ह टिप्पणी केली होती.
आणखी वाचा-
नेहरूंच्या काळात चीनकडून भारतीय प्रदेशावर कब्जा! मालवीय यांची काँग्रेसवर टीका
तेजस्वी यादव पुन्हा पापा होणार, लालू कुटुंबात आनंदाचे वातावरण
