Employment News : रेल्वेत नोकरीची मोठी संधी! अर्जासाठी २९ जानेवारी शेवटची तारीख
Employment News : भारतीय रेल्वे भर्ती बोर्डाने (RRB) मिनिस्टीरियल आणि आयसोलेटेड पदांसाठी ३१२ जागांची नवीन भरती जाहीर केली आहे. या नोकरीसाठी २९ जानेवारीपर्यंत ऑनलाइन अर्ज करायचा आहे. नोकरीच्या शोधात असलेल्यांसाठी ही एक उत्तम संधी आहे.
रेल्वे नोकर भरती २०२६
भारतीय रेल्वे भर्ती बोर्डाने (RRB) नवीन नोकर भरतीची घोषणा केली आहे. ही भरती मिनिस्टीरियल आणि आयसोलेटेड पदांसाठी आहे. निवड झालेल्या उमेदवारांना सुरुवातीला सुमारे २०,००० रुपये पगार मिळेल. एकूण ३१२ रिक्त जागा भरल्या जाणार आहेत. यात प्रयोगशाळा सहाय्यक ग्रेड-३, कर्मचारी आणि कल्याण निरीक्षक, कनिष्ठ अनुवादक (हिंदी), मुख्य कर्मचारी आणि कल्याण निरीक्षक, वैज्ञानिक सहाय्यक, पब्लिक प्रोसिक्युटर अशा विविध पदांचा समावेश आहे.
रेल्वे निवड प्रक्रिया
या पदांसाठी अर्ज करू इच्छिणाऱ्या उमेदवारांनी संबंधित विषयात पदवी पूर्ण केलेली असावी. मान्यताप्राप्त कॉलेज किंवा विद्यापीठातून पदवी घेतलेले उमेदवार अर्ज करण्यास पात्र आहेत. वयोमर्यादा किमान १८ वर्षे आणि कमाल ४३ वर्षे आहे. निवड प्रक्रिया अनेक टप्प्यांत होईल. लेखी परीक्षा, काही पदांसाठी कौशल्य चाचणी/टायपिंग चाचणी, त्यानंतर कागदपत्र पडताळणी आणि वैद्यकीय तपासणीद्वारे अंतिम निवड केली जाईल, असे अधिसूचनेत म्हटले आहे.
रेल्वेमध्ये ३१२ रिक्त जागा
इच्छुक उमेदवारांनी फक्त ऑनलाइन अर्ज करावा. यासाठी RRB च्या अधिकृत वेबसाइटवर जाऊन “RRB Ministerial & Isolated Recruitment 2026” या लिंकवर क्लिक करून अर्ज भरावा. आवश्यक कागदपत्रे अपलोड करून अर्ज सादर केल्यानंतर शुल्क भरावे लागेल. सामान्य/OBC/EWS प्रवर्गासाठी ४५० रुपये आणि इतर प्रवर्गांसाठी २५० रुपये शुल्क आहे. अर्ज करण्याची शेवटची तारीख २९ जानेवारी असल्याने, इच्छुक उमेदवारांनी उशीर न करता त्वरित अर्ज करावा.
