- Home
- India
- IRS Officer Daughter Case : दिल्ली हादरली! माजी नोकराकडून हल्ला; IRS अधिकाऱ्यांच्या मुलीची निर्घृण हत्या
IRS Officer Daughter Case : दिल्ली हादरली! माजी नोकराकडून हल्ला; IRS अधिकाऱ्यांच्या मुलीची निर्घृण हत्या
IRS Officer Daughter Case : दिल्लीतील आयआरएस अधिकाऱ्याच्या मुलीच्या हत्येप्रकरणी माजी नोकराने 4-स्तरीय सुरक्षा भेदून घरात प्रवेश केला. सीसीटीव्ही फुटेजमधून हा प्रकार उघडकीस आला असून, आरोपीला अटक करण्यात आली आहे.
17
Image Credit : X
दिल्ली हादरली
दक्षिण-पूर्व दिल्लीतील अमर कॉलनी परिसरात एका हृदयद्रावक घटनेने संपूर्ण शहराला हादरवून सोडलं आहे. एका वरिष्ठ आयआरएस (IRS) अधिकाऱ्याच्या २२ वर्षीय मुलीवर बलात्कार करून तिची हत्या करण्यात आल्याच्या आरोपांमुळे केवळ सुरक्षा व्यवस्थेवरच नाही, तर घरगुती नोकरांच्या व्हेरिफिकेशन प्रक्रियेवरही प्रश्नचिन्ह निर्माण झालं आहे. या प्रकरणात सर्वात धक्कादायक बाब म्हणजे आरोपीने चार-स्तरीय कडक सुरक्षा व्यवस्था कशी भेदली, हा प्रश्न सर्वांना पडला आहे.
27
Image Credit : X
आरोपी निघाला माजी नोकर
पोलिसांच्या तपासानुसार, आरोपी राहुल मीणा याने यापूर्वी त्या कुटुंबात घरगडी म्हणून काम केलं होतं. त्यामुळे त्याला घराच्या कानाकोपऱ्याची माहिती होती. त्याला ॲक्सेस कोड, अतिरिक्त चाव्या ठेवण्याची जागा आणि सुरक्षा व्यवस्थेतील सर्व बारकावे माहीत होते. हीच माहिती त्याच्यासाठी सर्वात मोठं शस्त्र ठरली. ज्यावेळी ही घटना घडली, तेव्हा पीडितेचे आई-वडील घरी नव्हते, त्यामुळे आरोपीला आयती संधी मिळाली.
37
Image Credit : X
सीसीटीव्ही फुटेज हाती लागले
तपासात समोर आलेल्या सीसीटीव्ही फुटेजमुळे या प्रकरणाला वेगळेच वळण मिळाले आहे. सकाळी साधारणपणे ६:२८ वाजता आरोपी पिवळ्या शर्ट आणि काळ्या पॅन्टमध्ये सोसायटीत शिरताना दिसला. त्यानंतर सुमारे एका तासाने तो वेगळ्या कपड्यांमध्ये बाहेर पडताना दिसला. जणू काही त्याने गुन्हा केल्यानंतर आपली ओळख लपवण्याची पूर्ण तयारी केली होती. त्याच्याकडे एक काळी बॅगही होती, ज्यात त्याने आपले कपडे बदलले असावेत, असा अंदाज आहे.
47
Image Credit : X
नक्की काय घडले?
जेव्हा पीडितेचे आई-वडील घरी परतले, तेव्हा त्यांना त्यांची मुलगी रक्ताच्या थारोळ्यात पडलेली दिसली. प्राथमिक तपासात असं दिसून आलं आहे की, आधी तिच्यावर लैंगिक अत्याचार करण्यात आला आणि नंतर गळा दाबून तिची हत्या करण्यात आली. गळा दाबण्यासाठी मोबाईल चार्जरच्या केबलचा वापर केल्याची शक्यता वर्तवण्यात येत आहे. घरातील विखुरलेलं सामान त्यांच्यातील संघर्षाची कहाणी सांगत होतं.
57
Image Credit : X
आरोपीला द्वारका येथून अटक
पोलिसांनी वेगाने कारवाई करत घटनेच्या काही तासांतच आरोपीला द्वारका येथील एका हॉटेलमधून अटक केली. आर्थिक गैरव्यवहारामुळे आरोपीला सहा आठवड्यांपूर्वी कामावरून काढून टाकण्यात आले होते, हेही तपासात समोर आले आहे. दिल्लीला येण्यापूर्वी मीणाने राजस्थानमध्येही दुसऱ्या महिलेवर लैंगिक अत्याचार केला होता का, या आरोपांचीही पोलीस चौकशी करत आहेत. प्राथमिक माहितीनुसार, त्याने मंगळवारी रात्री उशिरा राजस्थानमधील अलवर येथे आपल्या एका शेजारी महिलेवर बलात्कार केला आणि त्यानंतर तो दिल्लीला पळून आला होता.
67
Image Credit : X
उच्च स्तरीय सुरक्षा भेदून केलं कृत्य
चार-स्तरीय सुरक्षा असूनही अशा प्रकारची घटना घडल्याने व्यवस्थेतील त्रुटी उघड झाल्या आहेत. केवळ तांत्रिक सुरक्षा पुरेशी आहे का, की मानवी घटकांकडे दुर्लक्ष करणे हाच सर्वात मोठा धोका बनत आहे? हा प्रश्न आता तपासाचा एक महत्त्वाचा भाग बनला आहे.
77
Image Credit : X
पोलिसांकडून सखोल तपास सुरू
या भीषण गुन्ह्यामुळे लोकांमध्ये प्रचंड संताप निर्माण झाला आहे. पोलिसांची अनेक पथकं या प्रकरणाचा सखोल तपास करत आहेत. फॉरेन्सिक पुरावे आणि डिजिटल रेकॉर्ड्स तपासले जात आहेत. हा गुन्हा पूर्वनियोजित होता की अचानक घडलेला, याकडे आता सर्वांचे लक्ष लागले आहे. उत्तरं लवकरच मिळतील अशी अपेक्षा आहे, पण या घटनेने सुरक्षा आणि विश्वास या दोन्हींना मोठा धक्का दिला आहे.
