'भाजप द्रमुक-काँग्रेस युतीचा अहंकार मोडून काढेल', पंतप्रधान मोदींनी तामिळनाडूतील विरोधकांवर केली टीका

आगामी लोकसभा निवडणुकीच्या प्रचार सभेसाठी पंतप्रधान नरेंद्र मोदी आज शुक्रवारी (15 मार्च) दक्षिण केरळच्या दौऱ्यावर आहेत. पंतप्रधान मोदी आज सकाळी 10.30 वाजता दक्षिण केरळमधील पठानमथिट्टा शहरात पोहोचले आहेत. NDA उमेदवारांच्या प्रचारासाठी पंतप्रधान मोदी केरळमधील पथनमथिट्टा येथे पोहोचले आहेत. यादरम्यान, एका जाहीर सभेला संबोधित करताना ते असेही म्हणाले की, "यंदा तमिळनाडूमध्ये भाजपची कामगिरी द्रमुक-काँग्रेस इंडी युतीचा अहंकार मोडून काढेल." 

तामिळनाडूतील कन्याकुमारी येथील सभेला संबोधित करताना पंतप्रधान म्हणाले की, द्रमुक- काँग्रेसची भारत आघाडी कधीही तामिळनाडूला विकसित राज्य बनवू शकत नाही. याचे सर्वात मोठे कारण म्हणजे त्यांना घोटाळे आणि भ्रष्टाचाराचा इतिहास आहे.

NDA लोकसभा उमेदवार व्ही मुरलीधरन (अटिंगल), अनिल के अँटनी (पथनमथिट्टा), शोभा सुरेंद्रन (अलाप्पुझा), आणि बैजू कलसाला (मावेलिक्कारा) हे पंतप्रधान मोदींच्या केरळ भेटीदरम्यान आयोजित केलेल्या जाहीर सभेला उपस्थित होते. याशिवाय काँग्रेस सोडून भाजपमध्ये दाखल झालेल्या पद्मजा वेणुगोपाल यांच्यासह अनेक नेते उपस्थित आहेत. आजच्या कार्यक्रमाला उपस्थित राहिल्यानंतर, भाजपचे उमेदवार आणि काँग्रेसचे दिग्गज नेते एके अँटोनी यांचा मुलगा अनिल के अँटोनी यांना पाठिंबा मिळवण्यासाठी पंतप्रधान रविवारी (19 मार्च) पुन्हा केरळला भेट देतील. केरळ दौऱ्यात पंतप्रधान मोदी अनेक मोठ्या प्रमाणात रोड शोही करणार आहेत.
आणखी वाचा - 
Jal Jeevan Mission - नळाचे पाणी देशातील 75% घरांपर्यंत पोहोचले, महिलांना पाण्यासाठी डोक्यावर हंडा घ्यावा लागणार नाही
Loksabha Elections 2024: निवडणूक आयोग शनिवारी दुपारी 3 वाजता लोकसभा निवडणुकांच्या तारखा करणार जाहीर