Babri Style Mosque Construction Begins in Bengal : TMC मधून हकालपट्टी झाल्यानंतर नवीन पक्ष स्थापन केलेले आमदार हुमायून कबीर यांनी मुर्शिदाबादमध्ये अयोध्येच्या बाबरीच्या धर्तीवर मशीद बांधण्यास बुधवारपासून सुरुवात केली आहे.
रेजीनगर (प. बंगाल): TMC मधून हकालपट्टी झाल्यानंतर नवीन पक्ष स्थापन केलेले आमदार हुमायून कबीर यांनी मुर्शिदाबादमध्ये अयोध्येच्या बाबरीच्या धर्तीवर मशीद बांधण्यास बुधवारपासून सुरुवात केली आहे. 50-55 कोटी रुपये खर्चात हे बांधकाम 2 वर्षांत पूर्ण करणार असल्याचे त्यांनी सांगितले आहे. 6 डिसेंबर रोजी याचा शिलान्यास झाला होता.
बुधवारी दुपारी कबीर यांच्या उपस्थितीत विटा रचण्याचे काम
बुधवारी दुपारी कबीर यांच्या उपस्थितीत विटा रचण्याचे काम सुरू झाले, यावेळी त्यांच्या समर्थकांनी डोक्यावर विटा वाहून आणत या कामात हातभार लावला.
याला विरोध करणाऱ्यांनी मागे हटावे.
यावेळी बोलताना कबीर म्हणाले, 'याला विरोध करणाऱ्यांनी मागे हटावे. कारण, लोकांना त्यांच्या आवडीच्या धर्माचे पालन करण्याचे आणि धार्मिक स्थळे बांधण्याचे स्वातंत्र्य आहे. अल्लाहला प्रसन्न करणे हाच माझा उद्देश आहे,' असे ते म्हणाले.
Related Articles
तसेच, बोर्डाच्या परीक्षा सुरू असल्यामुळे पलाशी ते इटाहापर्यंत 100 गाड्यांसह काढण्यात येणारी 235 किमीची बाबरी यात्रा रद्द करून, गुरुवारी पलाशी ते बेलडांगापर्यंत 50,000 लोकांसह 22 किमीची पदयात्रा काढणार असल्याचे कबीर यांनी सांगितले आहे.
