उर्फी जावेदचा धोकादायक व्हिडिओ व्हायरल, सामंथा रुथ प्रभू करू शकली नाही नियंत्रित

मुंबई : मॉडेल आणि अभिनेत्री उर्फी जावेदची फॅशन जगतात एक वेगळी ओळख आहे. सुरुवातीला उर्फीच्या ड्रेसिंग सेन्सवर बरीच टीका झाली होती, पण आता बॉलिवूड सेलिब्रिटीही उर्फीच्या फॅशन सेन्सचे वेडे झाले आहेत. दरम्यान, उर्फीच्या एका व्हिडिओने सोशल मीडियावर चांगलीच खळबळ उडवून दिली आहे. या व्हिडिओमध्ये उर्फीने एक धोकादायक स्टंट केला आहे, जो पाहून सगळेच हैराण झाले आहेत. अभिनेत्री समंथा रुथ प्रभूसह अनेक सेलिब्रिटींनीही या व्हिडिओवर प्रतिक्रिया दिल्या आहेत.

हा व्हिडीओ शेअर करताना उर्फी जावेदने स्वतःच याला धोकादायक म्हटले आहे. या व्हिडिओमध्ये उर्फीने कमरेला जाड दोरी बांधली आहे आणि दोरीचे दुसरे टोक एसयूव्ही कारला बांधले आहे. व्हिडिओमध्ये उर्फी कॅमेऱ्यासमोर पोज देताना दिसत आहे आणि अचानक कार मागून सुरू होते आणि उर्फीला ओढू लागते.

कार जसजशी पुढे जात आहे तसतशी उर्फीच्या कमरेला बांधलेली दोरी सैल होत असल्याचे व्हिडिओमध्ये दिसत आहे. एकीकडे लोकांना उर्फी पडेल अशी भीती वाटत होती, तर दुसरीकडे उर्फीचा हा स्टंट कसा पूर्ण होणार याची उत्सुकताही लोकांना लागली होती. मात्र, व्हिडिओच्या शेवटी उर्फीने सर्वांना आश्चर्यचकित केले. खरंतर उर्फीने दोर मधूनच कापला होता, त्यामुळे गाडी पुढे गेल्यावरही उर्फी तिथेच उभी राहिली.

उर्फीचा हा व्हिडीओ आतापर्यंत ५ कोटींहून अधिक वेळा पाहिला गेला आहे. या व्हिडिओवर अनेक सेलिब्रिटींनी प्रतिक्रिया दिल्या आहेत. या व्हिडीओवर कमेंट करताना अभिनेत्री समंथा हिनेही फायर स्टिकर पोस्ट केले आहे. याशिवाय अभिनेत्री डॉली सिंह, गायिका वर्षा सिंह गौतम, प्रसिद्ध यूट्यूबर रोहन जोशी यांच्यासह अनेकांनी या व्हिडिओवर कमेंट केल्या आहेत.

उर्फीने यापूर्वीही अनेक धोकादायक व्हिडिओ पोस्ट केले आहेत. अलीकडेच तिने एक व्हिडिओ शेअर केला आहे, ज्यामध्ये ती तिच्या टॉपला आग लावताना दिसत आहे. उर्फी जावेद तिच्या वेगळ्या स्टाईल आणि फॅशन सेन्समुळे नेहमीच चर्चेत असते. आता ती तिच्या स्टंटनेही लोकांचे लक्ष वेधून घेत आहे.

आणखी वाचा :

'अल्फा'च्या शेड्यूलपूर्वी शर्वरीचा फिटनेसचा जलवा