Entertainment: 'पॅडेड ब्रा घालायला सांगायचे'; तापसीच्या जुन्या मुलाखतीने खळबळ

Entertainment: जान्हवी कपूरच्या 'पेद्दी' सिनेमावरून वाद सुरू असताना, अभिनेत्री तापसी पन्नूने दाक्षिणात्य सिनेसृष्टीबद्दल केलेलं एक जुनं वक्तव्य पुन्हा एकदा व्हायरल झालं आहे.

Image Credit : stockPhoto

पेद्दी सिनेमाचा वाद

सध्या सोशल मीडियावर जान्हवी कपूरच्या 'पेद्दी' (Peddi) सिनेमावरून वाद सुरू आहे. याच दरम्यान, अभिनेत्री तापसी पन्नूची एक जुनी मुलाखत पुन्हा चर्चेत आली आहे. या मुलाखतीत तापसीने दाक्षिणात्य सिनेमात अभिनेत्रींच्या दिसण्याला आणि ग्लॅमरला गरजेपेक्षा जास्त महत्त्व कसं दिलं जातं, यावर काही धक्कादायक खुलासे केले होते.

Image Credit : Instagram

ग्लॅमरस दृश्यांवरून जान्हवी कपूरवर टीका

नुकत्याच आलेल्या 'पेद्दी' सिनेमातील काही ग्लॅमरस दृश्यांवरून जान्हवी कपूरवर टीका होत आहे. अभिनयापेक्षा स्त्री पात्राला फक्त शारीरिक आकर्षणासाठी का दाखवलं जातं, असा प्रश्न सोशल मीडियावर अनेकजण विचारत आहेत. यावर जान्हवीने स्पष्टीकरण दिलं की, तिचं पात्र असं दाखवलं जाईल याची तिला कल्पना नव्हती आणि हा दिग्दर्शक बुची बाबू सना यांचा निर्णय होता.

Image Credit : @Taapsee Pannu

तापसी पन्नूची जुनी मुलाखत पुन्हा व्हायरल

याच चर्चेदरम्यान, अभिनेत्री तापसी पन्नूची एक जुनी मुलाखत पुन्हा व्हायरल होत आहे. तामिळ आणि तेलुगू सिनेमांमध्ये काम केलेल्या तापसीने दाक्षिणात्य सिनेसृष्टीत अभिनेत्रींच्या दिसण्याला आणि शरीरयष्टीला जास्त महत्त्व दिलं जातं, असं यापूर्वी म्हटलं होतं.

Image Credit : Instagram@taapsee

अभिनेत्रींना अनेकदा 'पॅडेड ब्रा' घालायचा सल्ला

एका पॉडकास्टमध्ये बोलताना तापसीने सांगितलं होतं की, अभिनेत्रींना अनेकदा 'पॅडेड ब्रा' (padded bra) घालायला सांगितलं जातं, जेणेकरून कॅमेऱ्यात त्या अधिक आकर्षक आणि बो*ड दिसतील. या गोष्टी थेट न सांगता स्टायलिंग टीम किंवा सहाय्यकांमार्फत सांगितल्या जातात, जे खूप विचित्र वाटतं. अपेक्षित लूक न मिळाल्यास पुन्हा बदल करायला सांगतात, हा अनुभव मानसिकदृष्ट्या त्रासदायक असतो, असंही तिने शेअर केलं होतं.

Image Credit : @Taapsee Pannu

स्त्री पात्रे अभिनयासाठी की फक्त ग्लॅमर आणि आकर्षणासाठी?

काही सिनेमांमध्ये कॅमेरा अँगल मुद्दाम शरीराच्या विशिष्ट भागांवर केंद्रित केले जातात, असंही तापसीने नमूद केलं होतं. प्रेक्षकांची उत्सुकता वाढवण्यासाठी आणि सिनेमाचा ग्लॅमर वाढवण्यासाठी असं केलं जातं, असं ती म्हणाली होती. 'पेद्दी'च्या वादानंतर, सिनेमातील स्त्री पात्रांना त्यांच्या अभिनयासाठी लक्षात ठेवायचं की फक्त ग्लॅमर आणि आकर्षणासाठी, हा प्रश्न पुन्हा एकदा समोर आला आहे.