Love Betrayal: १७ वर्षीय मुलीची आत्महत्या

मंगळूरु: प्रेम, सेक्स आणि फसवणुकीच्या प्रकरणात एका तरुणीचा मृत्यू झाल्याची घटना घडली आहे. प्रियकराने सोडल्यामुळे अल्पवयीन मुलीने विष प्राशन करून आत्महत्या केली आहे. बेल्टंगडी तालुक्यातील मित्तबागिलु गावात ही घटना घडली आहे. १७ वर्षीय हृष्टीने उंदीरमार औषध सेवन करून आत्महत्येचा प्रयत्न केला होता. नोव्हेंबर २० रोजी हृष्टीने विष प्राशन केले होते. उपचार यशस्वी न झाल्याने अल्पवयीन हृष्टीचा मृत्यू झाला आहे. हृष्टी आणि तिचा नातेवाईक प्रवीण यांच्यात प्रेमसंबंध होते. लग्न करण्याचे आमिष दाखवून फसवणूक केल्याचा आरोप आहे.

हृष्टीच्या पालकांनी प्रवीणविरुद्ध तक्रार दाखल केली आहे. बेल्टंगडी पोलीस ठाण्यात गुन्हा दाखल करण्यात आला आहे. हृष्टीच्या आत्महत्येनंतर आरोपी प्रवीण फरार झाला आहे. आरोपीला पकडण्यासाठी पोलिसांनी जाळे टाकले आहे.

नातेवाईक प्रवीण चारमाडीसोबत हृष्टी प्रेमात होती. लग्न करण्याचे आमिष दाखवून तिच्याशी प्रवीणने शारीरिक संबंधही ठेवले होते. त्यानंतर लग्न करणार नाही असे सांगून तिला फसवले. त्यामुळेच तिने आत्महत्या केली असल्याचे पालकांनी तक्रारीत म्हटले आहे.

बेल्टंगडी मित्तबागिलु येथील रहिवासी असलेली हृष्टी द्वितीय वर्षाच्या पीयूसीचे शिक्षण घेत होती. काही दिवसांपूर्वी तिने अचानक आत्महत्येचा प्रयत्न केल्याने सर्वांनाच धक्का बसला होता. तिला मंगळूरु येथील रुग्णालयात दाखल करण्यात आले होते.