दिल्लीत मुसळधार पावसामुळे जनजीवन विस्कळीत झाले असून, अनेक भागात पाणी साचले आहे. गाझीपूरमध्ये आई आणि मुलाचा नाल्यात पडून मृत्यू झाल्याने हळहळ व्यक्त केली जात आहे.

केरळमधील वायनाडमध्ये भूस्खलनामुळे मृतांची संख्या 205 वर पोहोचली असून 200 हून अधिक जण जखमी झाले आहेत. ढिगाऱ्याखाली अडकलेल्यांसाठी बचाव पथके प्रयत्न करत आहेत. केरळमध्ये पुरामुळेही मोठे नुकसान झाले आहे.

वायनाडमधील मुंडक्काई आणि चूरलमला येथे झालेल्या भूस्खलनात मृतांची संख्या 205 वर पोहोचली आहे. 144 मृतदेह बाहेर काढण्यात आले असून अद्याप 191 लोक बेपत्ता आहेत. बचाव कार्य वेगाने सुरू असून अनेक जणांना सुरक्षित स्थळी हलविण्यात आले आहे.

मध्य रेल्वेच्या भुसावळ विभागात १ ऑगस्ट ते ११ ऑगस्टदरम्यान मेगाब्लॉक असणार आहे. या काळात सेलू रोड स्थानकावर इलेक्ट्रॉनिक इंटरलॉकिंगसह विविध अभियांत्रिकी कामे केली जातील. यामुळे नागपूर-भुसावळ दरम्यान धावणाऱ्या ११ गाड्यांच्या फेऱ्या रद्द करण्यात आल्यात.

केंद्रीय मंत्री नितीन गडकरींनी अर्थमंत्र्यांना पत्र लिहून जीवन, वैद्यकीय विमा योजनांच्या प्रीमियमवर लादण्यात आलेला जीएसटी मागे घेण्याची विनंती केली आहे. त्यांनी म्हटले आहे की विमा प्रीमियमवर जीएसटी लावणे म्हणजे अनिश्चिततेवर कर लावण्यासारखे आहे.