येत्या 24 तासात राज्याच्या विविध भागात अवकाळी पावसाचा इशारा देण्यात आला आहे. मुंबई, ठाणे, पालघरसह अनेक जिल्ह्यांत पावसाची शक्यता हवामान विभागाने वर्तवली आहे.

नांदेडमध्ये संजय भंडारी फायनान्सकडे आयकर विभागाने छापा टाकत कारवाई केली. आयकर विभागाने शुक्रवारी केलेल्या या छापेमारीत 170 कोटीची बेहिशोबी मालमत्ता जप्त करण्यात आली आहे. त्यात 14 कोटी रोख, तर 8 किलोचे दागिने सुद्धा जप्त करण्यात आल्याची माहिती आहे.

बीडमध्ये मतदानावेळी अनुचित प्रकार घडले असून संवेदनशील मतदान केंद्रांवर सीसीटीव्ही लावलेच नाही, असे बजरंग सोनवणे यांनी म्हटले तर काही ठिकाणी सीसीटीव्ही लाऊन ते बंद केल्याचा आरोपही बजरंग सोनवणे यांनी केला आहे.

पंतप्रधान नरेंद्र मोदी यांनी मंगळवारी वाराणसी मतदारसंघातून भाजपा उमेदवार म्हणून अर्ज भरला. पंतप्रधानांनी  दाखल केलेल्या प्रतिज्ञापत्रात त्यांच्या संपत्तीची पूर्ण माहिती दिली आहे. पंतप्रधान मोदींकडे सध्या 3 कोटींपेक्षा जास्त संपत्ती आहे.

महाराष्ट्र विधानपरिषदेच्या मुंबई आणि कोकण पदवीधर, तसेच मुंबई आणि नाशिक शिक्षक या चार मतदारसंघांसाठी निवडणूक जाहीर झाली होती. ही निवडणूक आता पुढे ढकलण्याचा निर्णय निवडणूक आयोगाने घेतला आहे.

भारत सरकार देशभरातील करोडो शेतकऱ्यांना PM किसान सन्मान निधी योजनेचा लाभ देत आहे. या योजनेंतर्गत सरकार दरवर्षी गरीब शेतकऱ्यांना 6,000 रुपयांची आर्थिक मदत करते.

मुंबईतील चेंबूर भागात शिवसेनेच्या (UBT) रॅलीत कथितरित्या उभारलेल्या इस्लामिक ध्वजाचा व्हिडिओ व्हायरल झाल्यानंतर सोशल मीडिया प्लॅटफॉर्मवर संतापाची लाट उसळली आहे. 

मुंबई आणि पश्चिम महाराष्ट्र तसेच कोकण परिसरात आज देखील वेगाने वारे वाहण्याची शक्यता आहे, तर मध्यम स्वरुपाच्या पावसाचा अंदाज वर्तवण्यात आला असून कोकण परिसरात मंगळवारी उष्णतेच्या लाटेचा इशारा देण्यात आला आहे.

मनोज जरांगे हे मराठा आरक्षणासाठी येत्या 4 जूनला उपोषणाला बसणार आहेत अशी माहिती मनोज जरांगे यांनी दिली आहे. येत्या चार जूनला जरांगे नारायण गडावर सभा घेणार आहेत. त्यानंतर चार जूनला ते उपोषणाला बसणार आहेत.

मुंबईतील उमेदवारांचा प्रचार करण्याकरता पंतप्रधान नरेंद्र मोदी उद्या 15 मे आणि 17 मे ला मुंबई दौऱ्यावर येणार आहेत. यावेळी नरेंद्र मोदी मोठ्या प्रमाणात शक्तीप्रदर्शन करत मुंबईत रोड शो देखील करणार आहे.