Trump Tariff On Bollywood : ट्रम्प यांचा बॉलिवूडवर बॉम्ब, परदेशात बनणाऱ्या चित्रपटांवर 100% कर!

Trump Tariff On Bollywood : डोनाल्ड ट्रम्प यांनी घोषणा केली आहे की परदेशात बनवलेल्या चित्रपटांवर १००% कर लावला जाईल. तसेच, परदेशी फर्निचरवरही असाच कर लावला जाईल, असेही त्यांनी नमूद केले आहे.

Image Credit : Getty

ट्रम्प यांची मोठी घोषणा

अमेरिकेचे माजी राष्ट्राध्यक्ष डोनाल्ड ट्रम्प यांनी परदेशात बनणाऱ्या चित्रपटांवर १००% कर लावण्याची मोठी घोषणा केली आहे. अमेरिकेच्या चित्रपट उद्योगाला वाचवण्यासाठी हे पाऊल उचलले आहे.

Image Credit : X

ट्रम्प यांचा गंभीर आरोप

ट्रम्प यांनी 'ट्रुथ सोशल'वर आरोप केला की, इतर देशांनी अमेरिकेचा चित्रपट उद्योग चोरला आहे. त्यामुळे अमेरिकेबाहेर बनणाऱ्या सर्व चित्रपटांवर १००% कर लावणार असल्याचे त्यांनी सांगितले.

Image Credit : Getty

हॉलिवूडमधील संकट

आकडेवारीनुसार, लॉस एंजेलिसमध्ये चित्रपट निर्मिती 40% नी कमी झाली आहे. मोठ्या बजेटच्या चित्रपटांचा अर्धा खर्च परदेशात जातो. त्यामुळे ट्रम्प यांनी हॉलिवूडला वाचवण्यासाठी सेलिब्रिटींची मदत मागितली.

Image Credit : Getty

फर्निचरवरही कर लावणार

ट्रम्प यांनी घोषित केले की, केवळ चित्रपटांवरच नव्हे, तर अमेरिकेत न बनवलेल्या फर्निचरवरही मोठा कर लावला जाईल. उत्तर कॅरोलिनाचा फर्निचर उद्योग वाचवण्यासाठी हा निर्णय घेतला आहे.

Image Credit : Getty

ट्रम्प टॅरिफ

गेल्या काही महिन्यांपासून ट्रम्प यांनी टॅरिफ आकारण्याचा धडाकाच लावला आहे. त्यामुळे अनेक देशांनी एकत्र येऊन या संकटाला तोंड देण्यासाठी छुपी युती केली आहे. या धोरणाचा अमेरिकेला फायदा होतो, की नुकसान हे येत्या काही दिवसांमध्ये दिसेल.