)
)
)
सार
हातात फुगा आणि वाढदिवसाचा केक घेऊन ती तरुणी उभी होती. अचानक तो फुगा आगीचा गोळा बनला.
व्हिएतनाममध्ये एका तरुणीचा वाढदिवसाचा उत्सव अनपेक्षितरीत्या अपघातात संपला. हायड्रोजन फुगाचा स्फोट होऊन तरुणीच्या चेहऱ्याला दुखापत झाली. व्हिएतनामच्या हनोई येथे हा वाढदिवसाचा कार्यक्रम आयोजित करण्यात आला होता. केक घेऊन तरुणी फोटोसाठी पोज देत होती. त्याचवेळी तिच्या हातातील फुगा स्फोट झाला. जियांग फाम असं जखमी तरुणीचं नाव आहे.
जियांग फामनेच हा व्हिडिओ सोशल मीडियावर शेअर केला आहे. १४ फेब्रुवारी रोजी एका रेस्टॉरंटमध्ये हा कार्यक्रम आयोजित करण्यात आला होता. हॉल फुग्यांनी सजवण्यात आला होता.
एका हातात फुगा आणि दुसऱ्या हातात वाढदिवसाचा केक घेऊन जियांग उभी होती. अचानक फुगा आगीचा गोळा बनला. मेणबत्तीमुळे फुग्याला आग लागली. फुगा स्फोट होताच तरुणीने चेहरा झाकून पळ काढला.
जियांगच्या चेहऱ्याला दुखापत झाली आहे. दुखापत होताच ती बाथरूममध्ये धावली आणि चेहरा धुतला. त्यानंतर तिला तातडीने रुग्णालयात नेण्यात आले.
सहा दिवसांपूर्वी ही घटना घडली, पण आजच मी यावर भाष्य करू शकले, असं जियांगने सांगितलं. मी खूप रडले आणि चेहऱ्याला दुखापत झाल्यामुळे मला माझं काम करता येणार नाही असं वाटलं.
डॉक्टरांनी जियांगला सांगितले की, दुखापत गंभीर नाही आणि जखमा पूर्णपणे बऱ्या होतील. फुग्यात हायड्रोजन आहे हे मला माहीत नव्हते, दुकानदाराने मला काहीही सांगितले नाही, असं तिने सांगितलं.