कावळ्याने एका वृद्धाच्या खिशातून पैसे चोरल्याचा व्हिडिओ सोशल मीडियावर व्हायरल झाला आहे. व्हिडिओमध्ये, कावळा इमारतीच्या तारांवर पैसे ठेवून टोमणा मारताना दिसत आहे.
कावळे हे अत्यंत बुद्धिमान पक्षी आहेत, दोन वर्षांच्या मुलाइतकी बुद्धिमत्ता कावळ्यांमध्ये असते हे अनेक संशोधनांनी सिद्ध केले आहे. स्वच्छतेसाठी प्रसिद्ध असलेल्या या कावळ्यांना काही देशांमध्ये सिगारेटचे तुकडे वेचण्यासाठी प्रशिक्षण देऊन स्वच्छता कार्यात वापरले जाते. अशा परिस्थितीत, एका वृद्धाच्या खिशातून पैसे चोरून नेणाऱ्या कावळ्याचा व्हिडिओ आता सोशल मीडियावर व्हायरल झाला आहे. व्हिडिओ पाहून लोकांनी अनेक कमेंट्स केल्या आहेत.
WORLD OF BUZZ या इन्स्टाग्राम पेजवरून हा व्हिडिओ पोस्ट करण्यात आला असून, चोर कावळ्याने परफेक्ट चोरी केली आहे. एका व्यक्तीच्या खिशातून पैसे चोरले आहेत असे व्हिडिओवर कॅप्शन देण्यात आले आहे. व्हिडिओमध्ये दिसत आहे की, कावळा एका व्यक्तीच्या खिशातून हळूवारपणे पैसे काढतो आणि नंतर त्याच्या चोचीत धरून पुढे जातो. त्याच्या चोचीतील पैसे परत मिळवण्यासाठी त्या वृद्धासह एक तरुणीही अनेक प्रयत्न करते, पण काहीही उपयोग होत नाही.
थोडे थोडे अंतर उडत असलेला कावळा, कावळ्याला पकडण्यासाठी मागे मागे जाणारा वृद्ध आणि महिला, हे दृश्य कॅमेऱ्यात कैद झाले आहे. आपल्याकडचे पैसे हिसकावण्यासाठी माणसे जवळ येताच, कावळा पुढे पुढे थोडे थोडे अंतर उडतो आणि नंतर हाताला लागणार नाही अशा उंचीवर उडतो. शिवाय, त्याच्याकडचे पैसे एका इमारतीच्या अनेक जाड तारांच्या सेटवर ठेवतो. आणि तिथेच बसून आपल्या मागे आलेल्यांना टोमणा मारत वरून पाहत राहतो.
हा व्हिडिओ आता सोशल मीडियावर प्रचंड व्हायरल झाला असून, कुठे घडला याची माहिती नाही. व्हिडिओ पोस्ट करणाऱ्या WORLD OF BUZZ ने, गरीब व्यक्ती कावळ्याकडून लुटला गेला असे लिहिले आहे. सर्वत्र आर्थिक परिस्थिती बिघडली असून कावळ्यालाही दरोडा घालावा लागत आहे अशी एका व्यक्तीने कमेंट केली आहे. या कावळ्याच्या दिवसाढवळ्याच्या दरोड्याबद्दल तुम्हाला काय वाटते ते कमेंट करा.
