३० रुपयांत झोमॅटो गोल्ड सदस्यत्व, ६ महिने मोफत डिलिव्हरी

खूप भूक लागली आहे, चविष्ट काहीतरी खावेसे वाटत असेल तर सर्वात आधी आठवते ते ऑनलाइन फूड डिलिव्हरी अॅप्लिकेशन झोमॅटो (Online Food Delivery App Zomato). अलिकडच्या काळात झोमॅटो आणि स्विगीद्वारे अन्न ऑर्डर करणाऱ्यांची संख्या वाढली आहे. घराबाहेर जायला आळस वाटणाऱ्यांपासून ते ऑफिसच्या कामात व्यस्त असलेले प्रत्येकजण याचा आधार घेत आहेत. आता झोमॅटोने आपल्या ग्राहकांसाठी एक आनंदाची बातमी दिली आहे. तुम्ही अतिशय कमी किमतीत झोमॅटो गोल्डन सदस्यत्व मिळवू शकता. 

कमी किमतीत झोमॅटो गोल्डन सदस्यत्व (Golden Membership) :  ई-कॉमर्स कंपनी झोमॅटो केवळ 30 रुपयांत झोमॅटो गोल्ड सदस्यत्व देत आहे. कंपनीकडून हे सदस्यत्व घेतल्यानंतर ग्राहकाला 6 महिन्यांपर्यंत मोफत डिलिव्हरी सुविधा मिळते. माहितीनुसार, हे सदस्यत्व घेतल्यानंतर तुम्ही तुमच्या घरापासून किंवा ऑफिसपासून 7 किलोमीटर अंतरावर असलेल्या कोणत्याही हॉटेलमधून अन्न ऑर्डर केल्यास तुम्हाला झोमॅटो मोफत डिलिव्हरी देईल. पण येथे एक अट आहे. तुम्हाला 200 रुपयांपेक्षा जास्त किमतीचे अन्न ऑर्डर करावे लागेल. त्यापेक्षा कमी किमतीचे अन्न ऑर्डर केल्यास डिलिव्हरी शुल्क द्यावे लागेल. 

ग्राहकांनी लक्षात ठेवायची आणखी एक गोष्ट म्हणजे झोमॅटो डिलिव्हरी मुलांचा वापर करणाऱ्या रेस्टॉरंटमध्येच ही ऑफर उपलब्ध असेल. हे तीन अधिक तीन म्हणजेच झोमॅटोचे सहा महिन्यांचे सदस्यत्व आहे. या झोमॅटो गोल्ड सदस्यत्वात मोफत वितरणासह इतर सुविधा कंपनी आपल्या ग्राहकांना देत आहे. 

तुम्ही झोमॅटोचे जुने ग्राहक असाल तर तुम्हाला गोल्डन सदस्यत्व आणखी कमी किमतीत मिळेल. म्हणजेच तुम्ही केवळ 20 रुपयांत झोमॅटो गोल्डन सदस्यत्व मिळवू शकता. जर तुम्ही नवीन ग्राहक असाल तर तुम्हाला गोल्डन सदस्यत्वाची किंमत 30 रुपये आहे. कंपनीने जुलै 2024 मध्ये आपल्या 16 व्या वर्धापनदिनानिमित्त अशीच सदस्यत्व योजना सुरू केली आहे. 

 ई-कॉमर्स साइट झोमॅटो आपल्या ग्राहकांची संख्या वाढवण्यासाठी वेळोवेळी नवीन योजना राबवत असते. ही ऑफर सर्व झोमॅटो अॅप्लिकेशन वापरणाऱ्यांसाठी उपलब्ध आहे. माहितीनुसार, तुम्ही झोमॅटो गोल्ड सदस्यत्व घेतले असेल तर तुम्हाला झोमॅटोशी भागीदारी असलेल्या रेस्टॉरंटमधून 30 टक्के अतिरिक्त सूट मिळेल. ज्या शहरात, गावात झोमॅटोसोबत हॉटेल्सचा करार झालेला नाही त्या शहरातील ग्राहकांना या गोल्डन सदस्यत्वाचा लाभ मिळणार नाही असे कंपनीने म्हटले आहे. कंपनीसोबत आधीच 20000 हून अधिक रेस्टॉरंटचा करार झाला आहे. 

झोमॅटो गोल्डन सदस्यत्व घेऊ इच्छिणाऱ्या ग्राहकांना व्हॉट्सअॅपद्वारे सदस्यत्व मिळवता येईल. आपल्या ग्राहकांना झोमॅटोने व्हॉट्सअॅप संदेश पाठवला आहे. त्या लिंकवर क्लिक करून तुम्ही ऑफर मिळवू शकता. किंवा झोमॅटोच्या अधिकृत वेबसाइटवर लॉग इन करून तुम्ही सदस्यत्व मिळवू शकता.