- Home
- Utility News
- Chicken Leg Pieces : चिकनमध्ये लेग पीसचाच हट्ट का धरला जातो?, हे आहे त्यामागचं सीक्रेट!
Chicken Leg Pieces : चिकनमध्ये लेग पीसचाच हट्ट का धरला जातो?, हे आहे त्यामागचं सीक्रेट!
Chicken Leg Pieces Secret : चिकनचे इतर कोणतेही भाग खाण्यापेक्षा लेग पीस खाण्याची मजाच वेगळी असते, असं अनेकजण म्हणतात. कुठेही गेलं तरी लेग पीसचीच इच्छा व्यक्त केली जाते, पण त्यात असं काय खास आहे?
लेग पीसचाच आग्रह का असतो?
मांसाहारप्रेमींच्या घरी रविवारी गेलात तर घरभर चिकनच्या पदार्थांचा सुगंध दरवळत असतो. तसेच, वाडग्यात कितीही पीस असले तरी प्रत्येकाचे डोळे त्या एका पीसवर खिळलेले असतात. घरातील मुलांपासून ते हॉटेलमध्ये जाणाऱ्या तरुणांपर्यंत, लेग पीससाठी भांडण न करणारे क्वचितच कोणी असेल. चिकनच्या इतर सर्व भागांपेक्षा लेग पीसचाच आग्रह का असतो, ते पाहूया.
तेच इतके चविष्ट का असते?
जगभरातील मांसाहारी लोक जेवढे चिकन खातात, तेवढे दुसरे कोणतेही मांस खात नाहीत. पार्टी असो किंवा कोणताही कार्यक्रम, चिकनचे वेगवेगळे पदार्थ पाहायला मिळतात. त्यातही चिकनचे इतर भाग खाण्यापेक्षा लेग पीस खाण्याची मजाच वेगळी असते, असे अनेकजण म्हणतात. कुठेही गेले तरी लेग पीसचीच इच्छा व्यक्त केली जाते, पण त्यात असं काय आहे? ते इतके चविष्ट का असते, यामागचे कारण पाहूया.
खूप मऊ आणि रसरशीत
चिकनचे लेग पीस इतर भागांपेक्षा वेगळे असतात. त्यात मांडीचे मांस असते. याला डार्क मीट असेही म्हणतात. इतर व्हाईट मीटच्या तुलनेत लेग पीस खूप मऊ आणि रसरशीत असतात. त्यामुळेच लहान मुलांपासून ते मोठ्यांपर्यंत सर्वजण ते आवडीने खातात.
मांसाला उत्तम रंग आणि खास चव
चिकनचे लेग पीस इतके चविष्ट असण्याचे मुख्य कारण म्हणजे त्यात असलेले 'मायोग्लोबिन' नावाचे प्रोटीन. हे प्रोटीन स्नायूंना ऑक्सिजन पुरवण्यास मदत करते. लेग पीस हा कोंबडीच्या शरीराचा सतत हालचाल करणारा भाग असल्याने, या प्रोटीनचे प्रमाण तिथे जास्त असते. यामुळे मांसाला चांगला रंग आणि एक खास चव येते.
जिमला जाणारे लोक हेच खातात
चिकनचे लेग पीस केवळ चविष्टच नाहीत, तर आरोग्यासाठीही चांगले असतात. ते लोह, झिंक आणि जीवनसत्त्वांनी समृद्ध असतात. कॅलरीजचा विचार केल्यास, सुमारे 44 ग्रॅम वजनाचा एक लेग पीस 12.4 ग्रॅम प्रोटीन देतो. यात फॅट्सचे प्रमाण थोडे जास्त असते, जे शरीराला त्वरित ऊर्जा देते. म्हणूनच जिमला जाणारे आणि कठोर व्यायाम करणारे लोक चिकन लेग पीस खातात.
मागणी कधीच कमी होत नाही
चिकनच्या इतर पीसेसपेक्षा लेग पीसमध्ये कॅलरी आणि फॅट्स थोडे जास्त असले तरी, त्यातील पोषक तत्वे आणि चवीला तोड नाही. म्हणूनच चिकनच्या बाजारात लेग पीसला असलेली मागणी कधीच कमी होत नाही.
