वंदे भारत प्रवाशांसाठी दिलासादायक निर्णय! वेटिंग लिस्टचा त्रास संपणार; रेल्वेने काय बदल केला?

Vande Bharat Train : मुंबई-अहमदाबाद वंदे भारत एक्सप्रेसला वाढत्या मागणीमुळे 4 अतिरिक्त एसी कोच जोडण्यात आले, ज्यामुळे ही ट्रेन आता २० डब्यांसह धावणार आहे. या निर्णयामुळे ट्रेनची प्रवासी क्षमता वाढणार असून प्रवाशांना कन्फर्म तिकीट मिळणे सोपे होईल. 

Image Credit : X

वंदे भारत प्रवाशांसाठी दिलासादायक निर्णय!

मुंबई : मुंबई सेंट्रल ते अहमदाबाद दरम्यान प्रवास करणाऱ्या वंदे भारत एक्सप्रेसच्या प्रवाशांसाठी आनंदाची बातमी आहे. तिकिटांची वाढती मागणी आणि सतत वाढणारी वेटिंग लिस्ट लक्षात घेऊन रेल्वे प्रशासनाने मोठा निर्णय घेतला आहे. आता या मार्गावरील वंदे भारत ट्रेन 20 डब्यांसह धावणार असून चार अतिरिक्त एसी कोच जोडण्यात आले आहेत. यामुळे प्रवाशांना कन्फर्म सीट मिळण्याची शक्यता लक्षणीयरीत्या वाढणार आहे. 

Image Credit : stockPhoto

वाढत्या प्रवासी संख्येमुळे रेल्वेचा महत्त्वाचा निर्णय

मुंबई–अहमदाबाद मार्गावर वंदे भारत ट्रेनने प्रवास करणाऱ्यांची संख्या दिवसेंदिवस वाढत आहे. कुटुंबीयांसह प्रवास करणारे प्रवासी, दररोज अप-डाउन करणारे कर्मचारी तसेच व्यावसायिक प्रवासी मोठ्या संख्येने या ट्रेनला पसंती देतात. परिणामी तिकिटांची वेटिंग लिस्ट मोठ्या प्रमाणावर वाढत होती. ही अडचण लक्षात घेऊन रेल्वेने वेटिंग लिस्टची कटकट कमी करण्यासाठी ठोस पाऊल उचलले आहे. 

Image Credit : X

26 जानेवारी ते 7 मार्च 2026 दरम्यान 20 कोच

पश्चिम रेल्वेकडून मिळालेल्या माहितीनुसार,

26 जानेवारी ते 7 मार्च 2026 या कालावधीत

मुंबई सेंट्रल–अहमदाबाद वंदे भारत एक्सप्रेस तात्पुरती 20 डब्यांसह धावणार आहे.

चार अतिरिक्त एसी कोचचा समावेश

एकूण प्रवासी क्षमतेत 278 सीट्सची वाढ

वेटिंग लिस्टमध्ये मोठी घट होण्याची शक्यता

यामुळे प्रवाशांना गर्दीचा सामना करावा लागणार नाही आणि तिकिटासाठी दीर्घ प्रतीक्षा करावी लागणार नाही.

Image Credit : X

वेग आणि आरामामुळे वाढते आकर्षण

मुंबई–अहमदाबाद मार्गावर वंदे भारत ट्रेनची लोकप्रियता झपाट्याने वाढत आहे. कमी वेळात प्रवास, आधुनिक सुविधा आणि आरामदायी आसनव्यवस्था यामुळे ही ट्रेन प्रवाशांची पहिली पसंती बनली आहे. मुंबई सेंट्रल ते अहमदाबाद जंक्शनदरम्यानचे 491 किलोमीटरचे अंतर वंदे भारत ट्रेन अवघ्या 5 तास 40 मिनिटांत पूर्ण करते. ही ट्रेन वडोदरा, सुरत, वापी आणि बोरिवली या प्रमुख स्थानकांवरच थांबते. त्यामुळे ऑफिसला जाणारे कर्मचारी, व्यापारी आणि वारंवार प्रवास करणाऱ्यांसाठी हा मार्ग अत्यंत सोयीचा ठरतो. 

Image Credit : X

वेळापत्रक व तिकिट सुविधा

ट्रेन रविवार वगळता आठवड्यातील सहा दिवस (सोमवार ते शनिवार) धावते

जनरल, तत्काळ, ज्येष्ठ नागरिक आणि महिला कोट्यातून तिकिट बुकिंगची सुविधा

एसी चेअर कार आणि एक्झिक्युटिव्ह क्लास उपलब्ध

विकेंड आणि सलग सुट्ट्यांच्या काळात प्रवाशांची वाढती गर्दी लक्षात घेता, रेल्वे प्रशासनाने ट्रेनची क्षमता वाढवण्याचा हा निर्णय घेतला आहे.