- Home
- Utility News
- Turkish Beauty Secrets: केमिकलशिवाय मिळवा नैसर्गिक चमक, काय आहे टर्किश ब्यूटी सिक्रेट्स?
Turkish Beauty Secrets: केमिकलशिवाय मिळवा नैसर्गिक चमक, काय आहे टर्किश ब्यूटी सिक्रेट्स?
Turkish Beauty Secrets: तुर्कीमधील महिला खूप सुंदर असतात. त्या महागड्या उत्पादनांऐवजी नैसर्गिक गोष्टींनी आपल्या त्वचेची काळजी घेतात. तुम्हालाही टर्किश महिलांप्रमाणे तुमच्या त्वचेची काळजी घ्यायची असेल, तर आजपासूनच या गोष्टींचा वापर सुरू करा.
काय आहे टर्किश ब्यूटी सिक्रेट्स?
टर्किश महिला त्यांच्या नैसर्गिक सौंदर्यासाठी, चमकदार त्वचेसाठी आणि दाट केसांसाठी जगभर ओळखल्या जातात. कोरियन ब्यूटीनंतर त्यांचे नाव घेतले जाते. या देशातील महिला शतकानुशतके चालत आलेल्या नैसर्गिक सौंदर्यालाच महत्त्व देत आहेत. केमिकल उत्पादनांपासून दूर राहून, त्या स्वयंपाकघरातील वस्तूंचा वापर आपले सौंदर्य टिकवण्यासाठी करतात. चला जाणून घेऊया, त्या कोणत्या गोष्टींनी त्वचेची काळजी घेतात.
ऑलिव्ह ऑइल (Olive Oil) त्वचा आणि केसांसाठी
तुर्कीमधील महिला शतकानुशतके ऑलिव्ह ऑइलचा वापर करत आहेत. हे व्हिटॅमिन A, D, E आणि अँटीऑक्सिडंट्सने परिपूर्ण असते. हे त्वचा आणि केसांना खोलवर हायड्रेट करते, कोरडेपणा दूर करते आणि नैसर्गिक चमक देते. येथील महिला कोमट ऑलिव्ह ऑइल केसांना लावतात. मसाज केल्यानंतर १ तास ठेवून केस धुतात. तसेच, सीरमप्रमाणे त्वचेवर लावून मसाज करतात.
गुलाब पाणी (Rose Water)
तुर्कीचे गुलाब पाणी जगातील सर्वोत्तम मानले जाते. हे त्वचेला ताजेतवाने, टोन आणि शांत करते. गुलाब पाण्यामुळे चेहऱ्यावरील थकवा आणि तेलकटपणाही नियंत्रणात राहतो. मेकअप करण्यापूर्वी आणि झोपण्यापूर्वी त्या त्वचेवर गुलाब पाण्याचा स्प्रे करतात.
सुमाक (Sumac)
सुमाक एक नैसर्गिक अँटीऑक्सिडंट आहे. तुर्कीमधील महिला याचा वापर स्किन डिटॉक्ससाठी करतात. हे त्वचा स्वच्छ ठेवण्यास आणि डाग कमी करण्यास मदत करते. सुमाकची पूड करून गुलाब पाण्यात मिसळून त्या चेहऱ्यावर लावतात.
मध आणि दह्याचा फेस मास्क
मध आणि दह्याचा फेस मास्क त्वचेला पोषण देतो आणि नैसर्गिक चमक आणतो. हा कोरड्या आणि संवेदनशील त्वचेसाठी सर्वोत्तम मानला जातो. येथील महिला दर दुसऱ्या दिवशी हा फेस मास्क लावायला विसरत नाहीत. त्या नुसते दहीसुद्धा चेहऱ्यावर लावत राहतात.
एग व्हाइट मास्क (Egg White Mask)
अंड्याच्या पांढऱ्या भागाचा मास्क पोअर्स घट्ट करण्यास आणि त्वचेला फर्म बनविण्यात मदत करतो. हे एजिंग साइन्स कमी करण्यासाठी देखील प्रभावी आहे. टर्किश महिला अंड्याचा पांढरा भाग चांगला फेटून त्वचेवर लावतात. सुकल्यावर थंड पाण्याने धुतात.
क्ले मास्क (Clay Mask) आणि ग्राउंड कॉफी स्क्रब (Ground Coffee Scrub)
क्ले मास्क त्वचेवरील घाण आणि अतिरिक्त तेल काढून टाकतो. तो पोअर्स स्वच्छ करतो आणि मुरुमांपासून आराम देतो. याशिवाय, ग्राउंड कॉफीचा वापर स्क्रब म्हणून करतात. हे डेड स्किन काढून त्वचेला गुळगुळीत आणि चमकदार बनवते. यामुळे रक्ताभिसरणही वाढते.
त्वचेसाठी काकडी (Cucumber for Skin)
काकडी त्वचेला हायड्रेट करते आणि डार्क सर्कल्स कमी करण्यास मदत करते. तुर्कीमधील महिला फ्रेश लुकसाठी चेहऱ्यावर काकडी लावतात. डोळ्यांवर काकडीचे काप ठेवणे, किसून चेहऱ्यावर लावणे या गोष्टी येथील महिला नियमितपणे करतात.
ॲपल सायडर व्हिनेगर (Apple Cider Vinegar)
ॲपल सायडर व्हिनेगर पाण्यात मिसळून टोनरप्रमाणे वापरले जाते. हे त्वचेचा pH बॅलन्स राखते. पाण्यात ॲपल सायडर व्हिनेगर मिसळून कापसाच्या मदतीने चेहरा स्वच्छ करतात.
