Automatic Cars Under 5 Lakh : 5 लाखांच्या आत मिळणाऱ्या टॉप 5 ऑटोमॅटिक कार्स, सिटी ड्रायव्हिंगसाठी कोणती बेस्ट?

आपण आज भारतातील वाढत्या ट्रॅफिकचा विचार करून ५ लाखांपेक्षा कमी बजेटमध्ये मिळणाऱ्या टॉप ५ ऑटोमॅटिक हॅचबॅक कार्सची माहिती पाहणार आहोत.

Image Credit : Gemini

५ लाखांच्या आतील ऑटोमॅटिक कार्स

शहरांमधील वाढत्या ट्रॅफिकमध्ये सतत गिअर बदलणे आणि क्लच दाबणे खूप त्रासदायक ठरते. त्यामुळे अनेक जण कमी बजेटमध्ये ऑटोमॅटिक (AMT) कार घेण्याला पसंती देतात. आपण आज भारतीय बाजारात ५ लाख रुपयांपेक्षा कमी किमतीत मिळणाऱ्या टॉप ५ ऑटोमॅटिक कार्सची माहिती घेणार आहोत.

Image Credit : X

मारुती एस-प्रेसो (Maruti S-Presso)

सुरुवातीची किंमत: ३.४९ ते ४.६४ लाख रुपये (एक्स-शोरूम). ही भारतातील सर्वात स्वस्त ऑटोमॅटिक कार आहे. कंपनी VXI (O) आणि VXI+ (O) व्हेरियंटमध्ये १.०-लिटर पेट्रोल इंजिनसोबत AMT चा पर्याय देते. या कारची अपराइट सिटिंग पोझिशन ड्रायव्हरला चांगला व्ह्यू देते आणि तिचा मेंटेनन्सही खूप कमी आहे.

Image Credit : X

रेनॉल्ट क्विड (Renault Kwid)

सुरुवातीची किंमत: ४.५२ लाख रुपयांपासून (एक्स-शोरूम). मारुतीच्या कार्सना हा एक उत्तम पर्याय आहे. ही कार रुंद दिसते आणि तिचा ग्राउंड क्लिअरन्सही चांगला आहे. १.०-लिटर इंजिन आणि AMT मुळे कमी वेगातही ही कार स्मूथ चालते. शहरातील खराब रस्त्यांसाठी ही कार एकदम परफेक्ट आहे.

Image Credit : X

मारुती अल्टो K10 (Maruti Alto K10)

सुरुवातीची किंमत: ३.६९ लाख रुपयांपासून (एक्स-शोरूम). या कारच्या टॉप व्हेरियंट्समध्ये १.०-लिटर ३-सिलिंडर इंजिनसोबत AMT चा पर्याय मिळतो. एअरबॅग्ससारख्या बेसिक सेफ्टी फीचर्ससह येणारी ही कार आकाराने कॉम्पॅक्ट आहे. त्यामुळे तुम्ही अरुंद गल्ल्यांमध्येही ती सहज पार्क करू शकता.

Image Credit : X

मारुती सेलेरियो (Maruti Celerio)

सुरुवातीची किंमत: ४.६९ लाख रुपयांपासून (एक्स-शोरूम). उत्तम मायलेजसाठी ओळखली जाणारी ही हॅचबॅक कार १.०-लिटर AMT इंजिनवर २६ किमी/लिटरपेक्षा जास्त मायलेज देते. ट्रॅफिकमध्ये ही कार चालवणे खूप सोपे आहे आणि यात ४ लोक आरामात बसू शकतात.

Image Credit : X

मारुती वॅगन आर (Maruti Wagon R)

सुरुवातीची किंमत: ४.९८ लाख रुपयांपासून (एक्स-शोरूम). ही कार १.०-लिटर आणि १.२-लिटर अशा दोन पेट्रोल इंजिन पर्यायांमध्ये AMT सह येते. यात उत्तम हेडरूम आणि केबिन स्पेस मिळत असल्याने ती फॅमिलीसाठी बेस्ट आहे. मारुतीचे मोठे सर्व्हिस नेटवर्क आणि कमी मेंटेनन्स हे तिचे मोठे प्लस पॉईंट्स आहेत.