एकही बटण नाही, कॅमेराही दिसणार नाही; जगातला पहिला असा मोबाईल कधी लाँच होणार?
Xiaomi चा 'Wangshu' नावाचा बटनविरहित स्मार्टफोन लवकरच लाँच होऊ शकतो. लीक झालेल्या माहितीनुसार, यात 2K 120Hz LTPO डिस्प्ले, 4500mAh बॅटरी आणि Snapdragon 8 Gen 2 SoC चिपसेट असेल.
एकही बटण नसलेला जगातील पहिला स्मार्टफोन कधी प्रदर्शित होणार याबाबत मोबाईलप्रेमींमध्ये उत्सुकता वाढली आहे. 1.5 वर्षांपूर्वी, माहिती समोर आली होती की Xiaomi चे 'Zhuque' कोडनेम असलेले स्मार्टफोन बटणविरहित डिझाइनसह तयार केले जात आहेत.
Xiaomi ने 'Wangshu' नावाचा हा बटनलेस मोबाईल लॉन्च करण्याचा प्लान रद्द केला होता. पण आता पुन्हा असे बोलले जात आहे की कंपनी हा बटनलेस स्मार्टफोन रिलीज करण्याची तयारी करत आहे. या मोबाईलची कथित छायाचित्रेही सोशल मीडियावर लीक झाली आहेत.
लीक झालेल्या प्रतिमा सूचित करतात की Xiaomi Wangshu MIX मालिकेतील स्मार्टफोनचा एक भाग असेल. बटणविरहित असल्यामुळे या स्मार्टफोनमध्ये कुठेही बटणे दिसत नाहीत.
चीनच्या CoolAPK ने ही छायाचित्रे लीक केली आहेत. MIX लोगो Xiaomi Wangshu मोबाईलच्या वर आणि खाली दिसू शकतो. फोटो शेअर करणाऱ्या युजरने म्हटले आहे की हा मोबाईल 2K 120Hz LTPO डिस्प्ले आणि 4500mAh बॅटरीसह येईल. त्याची बॅटरी 200W वायर्ड आणि 50W वायरलेस चार्जिंग सपोर्टसह असेल.
Wangshu मध्ये Qualcomm Snapdragon 8 Gen 2 SoC चिपसेट देखील असण्याची अपेक्षा आहे. यामध्ये 'अंडर डिस्प्ले कॅमेरा' देखील दिला जाऊ शकतो.
Xiaomi चा हा पहिला बटन-लेस स्मार्टफोन 2025 मध्ये लॉन्च केला जाऊ शकतो. हे पूर्णपणे वेगळ्या प्रकारचे मॉडेल असले तरी इतर कोणत्याही कंपनीने आजपर्यंत असा प्रयत्न केलेला नाही.