स्टील की प्लास्टिक चहा गाळणी योग्य? प्लास्टिक आणि स्टील चहा गाळणीची तुलना. आरोग्य आणि चवीसाठी स्टेनलेस स्टीलची गाळणी उत्तम आहे. स्टीलला गंज लागत नाही, केमिकल बाहेर पडत नाही आणि ती टिकाऊ असते. प्लास्टिक स्वस्त आहे पण आरोग्यासाठी धोकादायक ठरू शकते.
पाण्याच्या बाटल्या असो की डबे, सध्या प्लास्टिक ऐवजी स्टीललाच प्राधान्य दिले जाते. आरोग्याचा विचार करता त्याचे कारणही तसेच आहे. प्लास्टिक हे भूतलावरील जीवांना हानीकारक असल्याचे अनेकदा समोर आले आहे. त्यातच त्यासाठी वापरण्यात येणारे रंगही आरोग्यास हानीकारक ठरतात. खेळण्यांच्या बाबतीत तर हे रंग विषारी असल्याचे उघड देखील झाले आहे. मग विषाची परीक्षा कशासाठी? असाच सारासार विचार करून सर्वसामान्य सध्या स्टीलच्या वस्तू वापरण्यावरच भर देताना दिसतात. मग चहाच्या गाळण्यांचे काय? कारण आजही अनेक घरांतून प्लास्टिकचीच चहा गाळणी पाहायला मिळतात. ही गाळणी वापरणे आरोग्याच्या दृष्टीने हितकारक आहेत का? याचीच आपण माहिती घेऊया -
स्टील की प्लास्टिक चहा गाळणे? चहा बनवण्यामधील सर्वात छोटी गोष्ट म्हणजे गाळणे किंवा चहा स्ट्रेनर, ही सुद्धा तुमच्या आरोग्यावर परिणाम करू शकते. हो, हे ऐकायला विचित्र वाटेल, पण चहा गाळणे हे आपल्या आरोग्यासाठी तितकेच महत्त्वाचे आहे, जितकी चहा पावडर आणि साखर. बाजारात तुम्हाला प्लास्टिक आणि स्टील दोन्ही प्रकारचे गाळणे मिळेल, पण आरोग्यासाठी कोणते सर्वोत्तम आहे, हे प्रत्येकालाच सांगता येणार नाही. अनेकजण स्वस्त असल्यामुळे प्लास्टिकचे गाळणे निवडतात, तर काहीजण टिकाऊ असल्यामुळे स्टीलचे गाळणे खरेदी करतात. पण प्रश्न आरोग्याचा आहे, की आरोग्याच्या दृष्टीने कोणते गाळणे चांगले आहे?
सर्वात आधी हे समजून घ्या की, चहा गाळताना तुम्हाला सुमारे 90-100°C तापमानाचा सामना करावा लागतो. अशावेळी जर गाळण्याची क्वालिटी चांगली नसेल, तर ती लवकर खराब होऊ शकते आणि त्यातून केमिकल आणि मायक्रोप्लास्टिक बाहेर पडू शकतात.
Related Articles
स्टील गाळणे - सुरक्षित आणि टिकाऊ
- स्टीलचे गाळणे - विशेषतः स्टेनलेस स्टील (SS 304 किंवा SS 316) - चहा गाळण्यासाठी सर्वोत्तम मानले जाते.
- स्टीलचे गाळणे अँटी-करोझन असतात, तापमान बदलल्यावर त्यांचे गुणधर्म बदलत नाहीत.
- स्टीलमधून कोणत्याही प्रकारचे केमिकल बाहेर पडत नाही आणि ते स्वच्छ करणेही सोपे असते.
- याच कारणामुळे बहुतेक घरं, रेस्टॉरंट आणि चहाचे स्टॉल स्टीलच्या गाळण्याचाच वापर करतात.
- जर गाळण्याच्या जाळीत घाण साचली आणि ती स्वच्छ होत नसेल, तर तुम्ही ते आगीवर गरम करून घाण जाळू शकता, त्यानंतर गाळणे सहज स्वच्छ होईल.
प्लास्टिक गाळणे - स्वस्त पण धोकादायक
- प्लास्टिकचे गाळणे सर्वात स्वस्त असते, त्यामुळे बहुतेक लोक त्याचाच वापर करतात.
- मात्र, गरम पाणी, दूध आणि चहा गाळण्यासाठी प्लास्टिक वापरल्यास त्यातून केमिकल आणि मायक्रोप्लास्टिक बाहेर पडण्याचा धोका असतो.
- विशेषतः जर गाळण्याची क्वालिटी चांगली नसेल किंवा त्यात BPA/फिलर्स असतील.
- यामुळे चहाची चव बदलू शकते आणि आरोग्यावरही वाईट परिणाम होऊ शकतो.
- साधारणपणे, प्लास्टिकचे गाळणे हलके, स्वस्त आणि सहज उपलब्ध असते.
