Glass Bottle Cleaning : काचेच्या बॉटल्स नव्यासारख्या चमकतील, फक्त हे सोपे उपाय करा!

Simple Home Remedies for Sparkling Clean Glassware : तुमच्या घरातही काचेची भांडी आहेत का? तेलकट आणि चिकट झाल्यामुळे ती जुनी दिसतायत? खूप घासूनही त्यावरचे डाग जात नाहीत का? मग हे सोपे घरगुती उपाय खास तुमच्यासाठी आहेत.

Image Credit : Pinterest

ग्लास कंटेनर

आपल्या प्रत्येकाच्या घरात काचेच्या बाटल्या किंवा बरण्या असतातच. काही जण तर सजावटीसाठीही काचेच्या वस्तू वापरतात. पण वापरल्या किंवा न वापरल्या तरी त्यावर डाग जमा होतात आणि त्यांची चमक कमी होते. याचं एक कारण म्हणजे हार्ड वॉटर (क्षारयुक्त पाणी). या पाण्याने भांडी धुतल्यास त्यावर क्षारांचा थर जमा होतो आणि चमक नाहीशी होते. साध्या साबणाने हे डाग जात नाहीत, त्यामुळे भांडी जुनाट दिसतात. पण एकही रुपया खर्च न करता तुम्ही ही भांडी पुन्हा नव्यासारखी करू शकता. कसं ते पाहूया...

Image Credit : Gemini

१. व्हिनेगर वापरा:

काचेच्या बाटल्या आणि भांडी स्वच्छ करण्यासाठी तुम्ही व्हिनेगर वापरू शकता. यासाठी अर्धा कप व्हाईट व्हिनेगर कोमट पाण्यात मिसळा आणि त्यात काचेची भांडी १५ ते २० मिनिटं भिजवून ठेवा. नंतर ब्रशने हलक्या हातांनी घासा. व्हिनेगरमधील ॲसिडमुळे भांड्यांवरचे डाग सहज निघून जातात. २. बेकिंग सोडा आणि लिंबाचा रस: जर डाग खूप जुने आणि हट्टी असतील, तर बेकिंग सोडा आणि लिंबाचा रस वापरा. बेकिंग सोडा आणि लिंबाचा रस एकत्र करून पेस्ट बनवा. ही पेस्ट डाग असलेल्या ठिकाणी लावून १० मिनिटं तसंच राहू द्या. त्यानंतर स्पंजने हलक्या हातांनी घासून स्वच्छ करा.

Image Credit : Getty

बाटली आतून स्वच्छ करा

काचेच्या भांड्यांची बाहेरची बाजू स्वच्छ करणं सोपं आहे, पण आतून साफ करणं खूप अवघड असतं. कारण आतमध्ये आपला हात पोहोचत नाही. अशावेळी ही सोपी ट्रिक वापरा. बाटलीमध्ये थोडे तांदूळ, मीठ आणि डिश सोपचे काही थेंब टाका. त्यानंतर, थोडं पाणी घालून बाटली चांगली हलवा. तांदळाचे दाणे नैसर्गिक स्क्रबरप्रमाणे काम करतात आणि कुठलेही डाग सहज काढून टाकतात. यामुळे बाटली आतूनही अगदी स्वच्छ होते.