२०२५ मध्ये ३ राशींना धन, प्रेम, प्रतिष्ठा मिळणार

ज्योतिषशास्त्रात शनीला कर्मफलदाता आणि न्यायाधीश म्हणून ओळखले जाते. शनी हा नवग्रहांमधील सर्वात मंद गतीने चालणारा ग्रह आहे. शनीला एका राशीतून दुसऱ्या राशीत जाण्यासाठी अडीच वर्षे लागतात. शनी २०२३ च्या जानेवारीमध्ये कुंभ राशीत प्रवेश करून अडीच वर्षे या राशीत राहील. २९ मार्च २०२५ रोजी शनी कुंभ राशीतून मीन राशीत प्रवेश करेल. मीन राशीत शनीचा प्रवेश काही राशींसाठी शुभफळदायी असेल. हे राशीपरिवर्तन त्यांच्यासाठी खूपच खास असेल. पंचांगाच्या अनुसार, शनी २९ मार्च २०२५ रोजी मीन राशीत प्रवेश करेल आणि ३ जून २०२७ पर्यंत या राशीत राहील.

कर्क राशीच्या लोकांना शनीच्या संचारामुळे अनेक चांगले लाभ मिळतील. या काळात तुम्हाला अचानक धनलाभ होईल आणि अटकलेले पैसे परत मिळतील. नोकरीत बढती मिळू शकते. समाजात मान-सन्मान वाढेल. या काळात तुम्ही नेहमीच सकारात्मक राहाल. स्पर्धा परीक्षांमध्ये तुम्हाला चांगले यश मिळेल. वैवाहिक जीवन सुखी राहील. जोडीदाराला वेळ देऊ शकाल. मानसिक ताणतणावापासून मुक्ती मिळेल. जीवनात आनंद राहील.

शनीचे राशीपरिवर्तन वृश्चिक राशीच्या लोकांसाठी खूपच अनुकूल असेल. तुमच्या सकारात्मक इच्छा पूर्ण होतील. धार्मिक कार्यात मन रमेल. जीवनात अनेक चांगले बदल पाहायला मिळतील. कामाच्या ठळी कामाचे कौतुक होईल. मान-सन्मान वाढेल. या काळात तुम्हाला भाग्याची साथ मिळेल. कुटुंबियांसोबत फिरायला गेलात तर आर्थिक लाभ होण्याची शक्यता जास्त आहे. जीवनातील अडचणी तुम्ही सहज दूर कराल.

शनीचे राशीपरिवर्तन मकर राशीच्या लोकांसाठी खूपच खास असेल. या काळात कामाच्या निमित्ताने तुम्हाला वारंवार दूर प्रवास करावा लागेल. तुम्हाला नवीन संधी मिळेल, आर्थिक स्थिती चांगली राहील. कर्ज फेडण्यास मदत होईल. अडकलेले पैसे परत मिळतील. विद्यार्थ्यांसाठीही हा काळ चांगला आहे. या काळात करिअरमध्ये यश मिळेल; तुम्हाला बढतीही मिळेल. उत्पन्नाचे नवीन मार्ग उपलब्ध होतील.