Religious advice: तीर्थयात्रेत पाळी आल्यास काय करावे? प्रेमानंद महाराज म्हणाले..
Religious advice : धार्मिक कार्यांमध्ये अनेक नियम पाळावे लागतात. महिला सहसा मासिक पाळीच्या काळात पूजा करत नाहीत, पण कधीकधी तीर्थयात्रेदरम्यान अचानक मासिक पाळी आली, तर अशा परिस्थितीत मंदिरात दर्शन घेता येत नाही. अशा वेळी काय करावे?
महिलांची मासिक पाळी
हिंदू धर्मात, मासिक पाळी दरम्यान महिलांना पूजा आणि धार्मिक विधींमध्ये सहभागी होण्याची मनाई आहे. महिला सहसा मासिक पाळीत पूजा टाळतात, पण कधीकधी तीर्थयात्रेदरम्यान पाळी आल्यास त्या देवाच्या दर्शनापासून वंचित राहतात.
प्रेमानंद महाराज
अलीकडेच, एका महिलेने वृंदावनचे प्रसिद्ध संत प्रेमानंद महाराज यांना हा प्रश्न विचारला. हे संभाषण सोशल मीडियावर व्हायरल झाले आहे. तीर्थयात्रेदरम्यान मासिक पाळी आल्यास मंदिरात जावे की नाही, यावर प्रेमानंद महाराज काय म्हणाले ते पाहूया.
प्रश्न काय होता?
एका महिला भक्ताने विचारले, "तीर्थयात्रेला येणाऱ्या अनेक महिलांना मासिक पाळीची समस्या असते. अशावेळी, तीर्थयात्रेला आल्यावर अचानक पाळी आली तर काय करावे, हे अनेकांना कळत नाही. भारतात अनेक महिला या काळात पूजा किंवा दर्शनाबद्दल साशंक असतात."
प्रेमानंद महाराजांनी काय सल्ला दिला?
या प्रश्नावर प्रेमानंद गुरुजी म्हणाले, "तीर्थक्षेत्री दर्शनाची संधी सोडू नये. मासिक पाळी ही एक शारीरिक प्रक्रिया आहे, जी सर्व माता-भगिनींमध्ये नैसर्गिकरित्या घडते. तीर्थयात्रा करणे सोपे नसते. लोक खूप पैसे खर्च करतात आणि शारीरिक कष्ट सोसतात. त्यामुळे दर्शनाची संधी गमावू नये."
मग महिलांनी काय करावे?
प्रेमानंद महाराजांच्या मते, तीर्थयात्रेदरम्यान पाळी आल्यास, स्नान करून देवाला टिळा लावून दर्शन घेऊ शकता. पण, दर्शन लांबूनच घ्यावे, देवाला कोणतीही वस्तू अर्पण करू नये किंवा मूर्तीला स्पर्श करू नये, असे त्यांनी सांगितले.
मासिक पाळी निंदनीय नाही
मासिक पाळी ही निंदनीय नसून पूजनीय गोष्ट आहे. देवांचा राजा इंद्रावरील ब्रह्महत्येचा दोष महिला मासिक धर्माच्या रूपात भोगतात. त्यामुळे पाळी निंदनीय नाही. इंद्राने वृत्रासुराला मारल्यावर त्याच्यावर ब्रह्महत्येचा दोष आला. या पापातून इंद्राला वाचवण्यासाठी ब्रह्मऋषींनी पापाचे विभाजन केले.
इंद्राचा ब्रह्महत्येचा दोष कोणावर?
ब्रह्मऋषींनी या पापाचा पहिला भाग नद्यांना दिला, जो फेस आणि बुडबुड्यांच्या रूपात दिसतो. दुसरा भाग झाडांना दिला, जो डिंकाच्या रूपात दिसतो. तिसरा भाग जमिनीला दिला, ज्यामुळे नापीक जमीन तयार झाली. चौथा भाग महिलांना मासिक पाळीच्या रूपात दिला.
पूजनीय गोष्ट
मासिक पाळी ही निंदनीय नसून पूजनीय आहे, असे प्रेमानंद महाराज म्हणाले. त्रैलोक्याचा स्वामी असलेल्या इंद्राचे पाप महिलांनी स्वतःवर घेतले आहे, त्यामुळे ही गोष्ट पूजनीय आहे, असे ते म्हणाले.
