Smart TV Privacy: तुमचा टीव्ही तुमच्यावर गुपचूप नजर ठेवतोय? हे फीचर लगेच बंद करा!
तुम्ही टीव्हीवर काय बघता आणि किती वेळ बघता, याची सगळी माहिती तुमच्या स्मार्ट टीव्हीला असते. हे शक्य होतं 'ऑटोमॅटिक कंटेंट रेकग्निशन' (ACR) नावाच्या टेक्नॉलॉजीमुळे. पण तज्ज्ञांच्या मते, यात काही धोकेही आहेत.
17
Image Credit : Gemini AI
ACR टेक्नॉलॉजी
ACR म्हणजे एक अशी सिस्टीम, जी तुमच्या स्क्रीनवर दिसणारे व्हिडीओ आणि ऑडिओ सॅम्पल घेऊन एक 'डिजिटल फिंगरप्रिंट' तयार करते. हा डेटा टीव्ही कंपन्या आणि जाहिरातदारांना पाठवला जातो, जेणेकरून तुम्हाला तुमच्या आवडीच्या जाहिराती दिसतील. तुम्ही केबल टीव्ही, नेटफ्लिक्स किंवा HDMI ने जोडलेला गेमिंग कन्सोल, काहीही बघत असाल तरी ACR तुमच्यावर लक्ष ठेवू शकते.
27
Image Credit : Amazon.in
ACR मुळे प्रायव्हसीला धोका?
टीव्ही चालू केल्याक्षणी ACR ॲक्टिव्हेट होऊ शकतं. हे स्क्रीनवरील पिक्सल आणि आवाजाचं विश्लेषण करून तुम्ही कोणता कार्यक्रम बघत आहात, हे ओळखतं. प्रायव्हसी तज्ज्ञ याला 'हेरगिरी' (snooping) म्हणतात. पण काळजी करू नका, तुम्ही हे फीचर मॅन्युअली बंद करू शकता. प्रत्येक टीव्हीमध्ये हे बंद करण्याची पद्धत वेगळी आहे. चला, त्याबद्दल सविस्तर जाणून घेऊया.
37
Image Credit : Amazon.in
सॅमसंग टीव्ही वापरकर्त्यांसाठी
1. रिमोटवरील होम बटण दाबून सेटिंग्समध्ये जा.2. इथे 'पॉलिसी' किंवा 'प्रायव्हसी' सेक्शन निवडा.3. त्यानंतर 'व्ह्यूइंग इन्फॉर्मेशन सर्व्हिस' किंवा ACR हा ऑप्शन शोधा आणि तो बंद करा.
47
Image Credit : Amazon.in
एलजी टीव्ही वापरकर्त्यांसाठी
1. आधी सेटिंग्समध्ये जाऊन मेन्यू उघडा आणि 'ऑल सेटिंग्स'वर जा.2. त्यानंतर 'सपोर्ट'मध्ये जाऊन 'प्रायव्हसी' निवडा. आता तुम्हाला 'यूझर कॉन्ट्रॅक्ट' ऑप्शन दिसेल, त्यावर क्लिक करा.3. इथे तुम्हाला 'लाइव्ह प्लस' किंवा 'व्ह्यूइंग इन्फॉर्मेशन' सारखा ऑप्शन दिसेल, तो लगेच बंद करा.
57
Image Credit : amazon.in
सोनी आणि अँड्रॉइड टीव्हीसाठी
1. तुमच्या सोनी टीव्हीच्या सेटिंग्समध्ये जाऊन 'प्रायव्हसी सेटिंग्स' निवडा.2. इथे 'इंटरॅक्टिव्ह टीव्ही सर्व्हिस' किंवा ACR शी संबंधित सेटिंग्ज बंद करा.3. गुगलच्या 'प्रायव्हसी सेटिंग्स'मध्ये जाऊन 'यूसेज अँड डायग्नोस्टिक्स' (Usage and Diagnostics) बंद करणंही चांगलं ठरेल.
67
Image Credit : Gemini
टीसीएल आणि हायसेन्ससाठी
1. सेटिंग्समध्ये जाऊन 'प्रायव्हसी' उघडा.2. त्यानंतर 'स्मार्ट टीव्ही एक्सपीरियन्स'वर जा.3. इथे 'टीव्ही इनपुटमधून माहिती वापरा' (Use information from TV inputs) साठी असलेला टॉगल बटण बंद करा.
77
Image Credit : Amazon.in
ACR बंद केल्यावर काय?
एक गोष्ट लक्षात ठेवा, ACR बंद केलं तरी YouTube आणि Netflix सारखे ॲप्स त्यांच्या पद्धतीने तुमचा डेटा गोळा करू शकतात. तरीही, ACR बंद करणं हे तुमच्या गोपनीयतेच्या रक्षणासाठी एक महत्त्वाचं आणि पहिलं पाऊल आहे.
