Post Office Gram Priya Scheme : दरमहा 9700 रुपये वाचवा आणि मिळवा 14.50 लाखांचा परतावा

पोस्ट ऑफिसच्या 'ग्राम प्रिया' योजनेत १० वर्षांत १४.५० लाख रुपये कसे मिळवायचे? या योजनेतील ३ टप्प्यांची कॅशबॅक सुविधा, बोनसचे गणित, पात्रता आणि गुंतवणुकीची संपूर्ण माहिती…

Image Credit : Asianet News

पोस्ट ऑफिसची ग्राम प्रिया योजना

ग्रामीण आणि निमशहरी भागातील लोक, छोटे व्यावसायिक आणि शेतकऱ्यांसाठी पोस्ट ऑफिसने 'ग्राम प्रिया' ही खास योजना आणली आहे. ही फक्त १० वर्षांची शॉर्ट-टर्म 'मनी-बॅक' योजना आहे. यात तुम्हाला मॅच्युरिटीपर्यंत वाट पाहावी लागत नाही. पैशांची गरज पूर्ण करण्यासाठी मध्येच कॅशबॅकची सुविधा मिळते.

Image Credit : AI

योजनेची ३ टप्प्यांतील कॅशबॅक सुविधा

या योजनेचे सर्वात मोठे वैशिष्ट्य म्हणजे ३ टप्प्यांत मिळणारा कॅशबॅक. विमाधारकाला १० वर्षांत ३ हप्त्यांमध्ये पैसे मिळतात. चौथ्या वर्षी एकूण विमा रकमेच्या २०% रक्कम मिळते. सातव्या वर्षी पुन्हा २०% रक्कम मिळते. आणि दहाव्या वर्षी उरलेली ६०% रक्कम आणि १० वर्षांचा संपूर्ण बोनस एकत्र दिला जातो.

Image Credit : Gemini

जीवन विमा आणि बोनसचे गणित

चौथ्या आणि सातव्या वर्षी कॅशबॅक मिळाल्यानंतर जर विमाधारकाचा दुर्दैवी मृत्यू झाला, तर वारसदाराला आधी दिलेली रक्कम वजा न करता संपूर्ण विमा रक्कम दिली जाते. या योजनेत दर १,००० रुपयांच्या विमा रकमेवर वर्षाला ४५ ते ४७ रुपये बोनस मिळतो. (उदा. १ लाखाच्या विम्यावर वर्षाला ४,७०० रुपये बोनस).

Image Credit : Gemini

योजनेसाठी पात्रता आणि नियम

१९ ते ४५ वयोगटातील कोणताही भारतीय नागरिक या योजनेत सहभागी होऊ शकतो. तुम्ही किमान १०,००० ते कमाल १० लाख रुपयांपर्यंतची विमा रक्कम निवडू शकता. प्रीमियम भरणे खूप सोपे आहे. तुम्ही दरमहा, ३ महिन्यांनी, ६ महिन्यांनी किंवा वर्षातून एकदा जवळच्या पोस्ट ऑफिसमध्ये किंवा ऑनलाइन प्रीमियम भरू शकता.

Image Credit : Gemini

१० लाखांच्या विम्याचे संपूर्ण गणित

समजा तुम्ही १० लाखांचा विमा घेतला. १० वर्षांसाठी तुमचा मासिक प्रीमियम ९,७०० रुपये असेल. १० वर्षांत तुम्ही एकूण ११.६४ लाख रुपये भराल. १० लाखांवर तुम्हाला ४.५० लाख रुपये बोनस मिळेल. चौथ्या आणि सातव्या वर्षी प्रत्येकी २ लाख रुपये मिळतील. दहाव्या वर्षी १०.५० लाख रुपये मिळतील. अशा प्रकारे १० वर्षांत तुम्हाला एकूण १४.५० लाख रुपये मिळतील.