PM Kisan: २३ वा हप्ता हवाय? मग शेतकऱ्यांनो 'या' ३ गोष्टी तातडीने करा; अन्यथा खात्यात पैसे येणार नाहीत!

PM Kisan: पीएम किसान योजनेचा २३ वा हप्ता लवकरच अपेक्षित असून, सरकारने नियम कडक केले आहेत. हा हप्ता मिळवण्यासाठी शेतकऱ्यांनी ई-केवायसी, बँक खाते आधारशी लिंक करणे आणि भूमी अभिलेख पडताळणी पूर्ण करणे अनिवार्य आहे. 

Image Credit : iSTOCK

२३ वा हप्ता हवाय? मग शेतकऱ्यांनो 'या' ३ गोष्टी तातडीने करा

PM Kisan 23rd Installment Update: देशातील कोट्यवधी अल्पभूधारक शेतकऱ्यांसाठी आर्थिक आधार ठरलेल्या 'पीएम किसान सन्मान निधी' योजनेबाबत एक महत्त्वाची अपडेट समोर आली आहे. २२ वा हप्ता यशस्वीरित्या जमा झाल्यानंतर, आता शेतकरी २३ व्या हप्त्याच्या प्रतीक्षेत आहेत. मात्र, सरकारने नियमावली कडक केली असून, ३ महत्त्वाच्या अटी पूर्ण न करणाऱ्या शेतकऱ्यांचे पैसे अडकू शकतात. 

Image Credit : iSTOCK

२३ वा हप्ता कधी जमा होणार?

अधिकृत सूत्रांच्या माहितीनुसार, पीएम किसान योजनेचा २३ वा हप्ता जुलै २०२६ च्या सुमारास शेतकऱ्यांच्या खात्यात जमा होण्याची दाट शक्यता आहे. या योजनेद्वारे वर्षाला एकूण ६,००० रुपये (प्रत्येकी २,००० रुपयांचे तीन हप्ते) थेट बँक खात्यात पाठवले जातात. 

Image Credit : iSTOCK

हे ३ अडथळे दूर करा, तरच मिळेल सन्मान निधी!

तुमचा हप्ता तांत्रिक कारणास्तव थांबू नये, असे वाटत असेल तर खालील प्रक्रिया तातडीने तपासून घ्या.

ई-केवायसी (e-KYC) अनिवार्य: आधार कार्डच्या मदतीने तुमची ई-केवायसी प्रक्रिया पूर्ण असल्याची खात्री करा. ही प्रक्रिया तुम्ही पीएम किसानच्या पोर्टलवरून किंवा जवळच्या सीएससी (CSC) केंद्रावर जाऊन करू शकता.

बँक खाते आधारशी लिंक करा: तुमचा हप्ता 'आधार बेस्ड पेमेंट'द्वारे येतो. त्यामुळे तुमचे बँक खाते आधार कार्डशी जोडलेले (Aadhaar Seeding) असणे बंधनकारक आहे.

भूमी अभिलेख पडताळणी (Land Seeding): तुमच्या जमिनीची सरकारी दप्तरी नोंद आणि पडताळणी पूर्ण झालेली असावी. ही प्रक्रिया अपूर्ण असल्यास लाभार्थी यादीतून नाव कापले जाऊ शकते. 

Image Credit : iSTOCK

लाभार्थी यादीत तुमचे नाव असे तपासा

तुम्हाला घरबसल्या मोबाईलवर तुमचे नाव यादीत आहे की नाही, हे पाहता येईल.

सर्वात आधी pmkisan.gov.in या अधिकृत संकेतस्थळाला भेट द्या.

'Beneficiary List' या पर्यायावर क्लिक करा.

तुमचे राज्य, जिल्हा, तालुका आणि गाव निवडा.

'Get Report' वर क्लिक करताच तुमच्या गावातील लाभार्थ्यांची यादी समोर येईल. 

Image Credit : iSTOCK

काही मदत हवी असल्यास येथे संपर्क साधा

जर तुमची सर्व कागदपत्रे बरोबर असूनही पैसे मिळत नसतील, तर तुम्ही खालील हेल्पलाइन क्रमांकांवर सकाळी ९:३० ते सायंकाळी ६ या वेळेत संपर्क साधू शकता.

हेल्पलाइन नंबर: १५५२६१

संपर्क क्रमांक: ०११-२४३००६०६ 

Image Credit : Getty

महत्त्वाची टीप

या योजनेचा लाभ सध्या देशातील ९ कोटींहून अधिक शेतकरी घेत आहेत. २४ फेब्रुवारी २०१९ रोजी सुरू झालेली ही योजना शेतकऱ्यांच्या बियाणे, खते आणि इतर शेतीकामांच्या खर्चासाठी अत्यंत उपयुक्त ठरली आहे.