जुन्या काळातील नोकिया ११०० ४G आणि DSLR दर्जाच्या कॅमेऱ्यासह परत येत आहे. मोठी बॅटरी लाइफ, प्रीमियम डिझाइन आणि सोपा वापरकर्ता इंटरफेस आहे.
मुंबई - दिवसेंदिवस मोबाईल फोनची व्याख्याच बदलत चालली आहे. स्क्रीन मोठी होत चालली आहे, फोन जड होत चालला आहे. कधी कधी वाटतं, एवढं सगळं खरंच गरजेचं आहे का? या पार्श्वभूमीवर नोकिया पुन्हा एकदा जुन्या काळात जात आहे. नोकियाच्या इतिहासात सर्वाधिक विक्री झालेला फोन म्हणून ओळखला जाणारा नोकिया ११०० पुन्हा बाजारात आणण्याची तयारी नोकियाने केली आहे. यावेळी नोकिया ११०० हा केवळ एक मोबाईल नसून तो एक छोटा DSLR कॅमेरा असेल, असं कंपनीने म्हटलं आहे.
२००३ मध्ये नोकियाने पहिल्यांदा नोकिया ११०० लाँच केला तेव्हा तो एक आयकॉनिक फोन होता. साधा, मजबूत आणि स्वस्त फोन जो पावसातही सहज चालायचा. बॅटरी तर अक्षरशः खूपच दिवस टिकायची.
२०२५ मध्ये नोकियाने कोणीही कल्पनाही केली नसेल असा शोध लावला आहे. ११०० ला पुन्हा जिवंत करून ४G मध्ये मोठ्या ट्विस्टसह लाँच करण्याची तयारी आहे. आता हा फक्त कॉल आणि मेसेजचा फोन राहिलेला नाही, तर तो आयुष्यभरच्या आठवणींना व्यावसायिक पातळीवर कॅप्चर करेल. DSLR दर्जाचा कॅमेरा असलेला हा जगातील पहिला छोटा फोन असेल.
Related Articles
कोणासाठी आहे हा नोकिया 4G?
नोकियाने सांगितलं आहे की, हा फोन सर्वांसाठी नाही. स्मार्टफोनमधील अनावश्यक अॅप्सपासून मुक्ती हवी असणाऱ्यांसाठी, हलका पण पॉवरफुल फोन हवा असणाऱ्या ट्रॅव्हल फोटोग्राफर्ससाठी हा फोन बेस्ट आहे. नोटिफिकेशनच्या भडिमारशिवाय आठवणींना साठवू इच्छिणाऱ्या पालकांसाठी हा फोन बेस्ट आहे. शर्टच्या खिशात बॅकअप कॅमेरा हवा असणाऱ्या व्यावसायिक फोटोग्राफर्ससाठी हा फोन आहे.
प्रीमियम लूक्स, जुन्या काळाचा साज
नवीन ११०० कडे एक नजर टाकल्यावर तुम्हाला कळेल की हा तुमचा सामान्य कीपॅड फोन नाही. नोकियाने प्लास्टिकऐवजी एरोस्पेस दर्जाचा अॅल्युमिनियम वापरला आहे. हा फोन खूप हलका आणि हातात खूपच सॉलिड वाटेल.
की हे फक्त रबरचे नाहीत तर ते सिरेमिकचे आहेत, जे तुम्ही दाबल्यावर एक समाधानकारक क्लिक देतात. नेव्हिगेशन बटणावर नीलमणी क्रिस्टल आहे, जो लक्झरी घड्याळांमध्ये वापरला जातो. आणि जुन्या काळातील रंगही परत आले आहेत, अधिक रिफाइंड स्वरूपात. मिडनाईट ब्लॅक, आर्क्टिक सिल्व्हर आणि लिमिटेड हेरिटेज ब्लू आवृत्ती उपलब्ध आहे.
मूळ ११०० त्याच्या अद्भुत बॅटरी लाइफसाठी ओळखला जात होता, पण नवीन ११०० त्याला पूर्णपणे नवीन स्तरावर घेऊन जातो. ६०००mAh बॅटरीसह, तुम्ही एकाच चार्जवर चार आठवडे नियमित वापर करू शकता. दररोज चार्जर शोधणाऱ्यांसाठी हा एक चांगला पर्याय आहे.
दररोज तासन्तास बोललात तरी दोन आठवडे ही बॅटरी नक्कीच टिकेल. USB-C द्वारे इतर मोबाईलसाठी पॉवर बँक म्हणूनही काम करेल.
छोटी स्क्रीन, मोठं आश्चर्य
स्मार्टफोनसारखा मोठा डिस्प्ले यात नाही. फक्त २.८ इंचाचा स्क्रीन आहे. जो सूर्यप्रकाशातही वाचायला सोपा आहे. तुम्ही व्हिडिओ पाहू शकता आणि चांगल्या क्वालिटीत फोटो पाहू शकता.
हा एक फीचर फोन असला तरी, नवीन ११०० हा जुन्या काळापुरता मर्यादित नाही. तो स्पष्ट कॉल आणि जलद इंटरनेटसाठी ४G LTE ला सपोर्ट करतो. कॉन्टॅक्टलेस पेमेंटसाठी Wi-Fi, ब्लूटूथ ५.० आणि NFC देखील आहे.
किंमत किती?
अंदाजे १९९ US डॉलर्स म्हणजेच १८ हजार रुपये असण्याची शक्यता आहे. हा फीचर फोनइतका स्वस्त नाही. पण स्मार्टफोनच्या व्यसनातून बाहेर पडू इच्छिणाऱ्यांसाठी हा एक उत्तम फोन आहे.
नवीन नोकिया ११०० हा एक धाडसी फोन आहे. तो स्मार्टफोन किलर होण्याचा प्रयत्न करत नाही. तो पूर्णपणे वेगळं काहीतरी देण्यासाठी आहे. त्याच्या मोठ्या बॅटरी, प्रीमियम मटेरियल आणि क्लिन, फोकस्ड सॉफ्टवेअरसह, कोणत्याही गोंधळाशिवाय विश्वासार्ह फोन हवा असणाऱ्यांसाठी हा एक उत्तम पर्याय आहे.
