WhatsApp Scam Alert : 'याला ओळखता का?' व्हॉट्सॲपवर येणारा ब्लर फोटो करेल तुमचं बँक खातं रिकामं

व्हॉट्सॲपवर अनोळखी नंबरवरून येणारे ब्लर फोटो डाऊनलोड केल्यास तुमचं बँक खातं क्षणात रिकामं होऊ शकतं. सायबर सुरक्षा विभागाने या नव्या आणि अत्यंत धोकादायक सायबर फसवणुकीबाबत गंभीर इशारा दिला आहे.

Image Credit : Chatgpt

बँक खातं रिकामं करणारा नवा मालवेअर स्कॅम

सायबर भामटे आता व्हॉट्सॲपवर अनोळखी नंबरवरून ब्लर (अस्पष्ट) फोटो पाठवत आहेत. युजर्सनी हा फोटो डाऊनलोड करताच मोबाईलमध्ये एक मालवेअर इन्स्टॉल होतो. हा मालवेअर तुमच्या बँक खात्यातील संपूर्ण रक्कम चोरून नेतो. सायबर सुरक्षा विभागाने या नव्या स्कॅमबाबत गंभीर इशारा दिला आहे.

Image Credit : chatgpt

व्हॉट्सॲपवर येणाऱ्या ब्लर फोटोंवर क्लिक करू नका

गेल्या काही महिन्यांपासून सायबर भामटे सामान्य नागरिकांना टार्गेट करत आहेत. आता त्यांनी व्हॉट्सॲप युजर्सना जाळ्यात ओढण्यासाठी नवी शक्कल लढवली आहे. 'कसे आहात? मजेत ना?' किंवा 'याला ओळखता का?' असा मेसेज आणि सोबत एक ब्लर फोटो पाठवला जातो.

लोक उत्सुकतेपोटी हा फोटो उघडून पाहतात. पण या एका क्लिकमुळे बँक खात्यातील सर्व पैसे गायब होऊ शकतात. त्यामुळे अनोळखी नंबरवरून आलेला कोणताही फोटो उघडून पाहण्याची चूक करू नका.

Image Credit : Chatgpt

ही फसवणूक नेमकी कशी होते?

अनोळखी नंबरवरून तुम्हाला शुभेच्छा, मीम्स किंवा जाहिरातीच्या बहाण्याने एक ब्लर फोटो येतो. तुम्ही तो फोटो डाऊनलोड करण्यासाठी क्लिक करता, तेव्हा नकळत तुमच्या फोनमध्ये एक धोकादायक ॲप किंवा मालवेअर डाऊनलोड होतो.

हा मालवेअर तुमच्या फोनमधील बँकिंग ॲप्सचे पासवर्ड्स आणि इतर महत्त्वाची माहिती चोरतो. या माहितीच्या आधारे भामटे तुमच्या खात्यातील पैसे परस्पर ट्रान्सफर करतात. त्यामुळे अनोळखी नंबरवरून आलेली कोणतीही फाईल किंवा लिंक उघडू नका.

Image Credit : Chatgpt

फसवणूक टाळण्यासाठी काय काळजी घ्यावी?

सर्वात आधी तुमच्या व्हॉट्सॲपच्या 'Settings' मध्ये जा. तिथे 'Storage and Data' हा पर्याय निवडा. यातील 'Media auto-download' पूर्णपणे बंद (Off) करा. मोबाईल डेटा, वाय-फाय आणि रोमिंग या तिन्ही पर्यायांसाठी फोटो आणि व्हिडिओ आपोआप डाऊनलोड होणे बंद ठेवा.

घरातील ज्येष्ठ नागरिक आणि तंत्रज्ञानाची फारशी माहिती नसलेल्या व्यक्तींना या धोक्याची नक्की कल्पना द्या. त्यांना अनोळखी मेसेज उघडण्यापासून रोखा.