Planter Stand: घराला द्या मॉडर्न लुक, पाहा ६ स्टायलिश वुडन प्लांटर टेबल
Planter Stand घरात झाडं लावायची आवड आहे, पण जागा कमी पडतेय? तुमच्या छोट्याशा घरासाठी किंवा बाल्कनीसाठी आम्ही काही खास आणि स्टायलिश वुडन प्लांटर टेबल डिझाइन्स घेऊन आलो आहोत. हे टेबल्स कमी जागेत सहज फिट होतात आणि घराला एक मॉडर्न लुक देतात.


घरात पुरेशी जागा असेल, तर तुम्ही स्पायरल रोलिंग प्लांटर टेबल घेऊ शकता. याला चाकं असल्यामुळे तुम्ही ते लिव्हिंग रूममधून बाल्कनीत सहज हलवू शकता. डार्क ब्राऊन पॉलिशमुळे हे टेबल क्लासिक लुक देतं. यात तुम्ही स्मॉल सक्युलेंट, मॉन्स्टेरा, स्नेक प्लांट, जेट प्लांट यांसारखी झाडं लावू शकता. खिडकीजवळ झाडं ठेवायची असतील, तर मिनिमलिस्ट टॉवर प्लांटर टेबल स्टँड उत्तम आहे. यावर तुम्ही ट्रेडस्कॅन्शिया, पोथोज, क्रोटन, पेपेरोमिया आणि पीस लिली यांसारखी वेलवर्गीय झाडं लावू शकता.
मॉड्युलर कॉर्नर प्लांटर टेबल हा एक अतिशय आकर्षक आणि मॉडर्न डिझाइनचा प्रकार आहे. हा जपानी कलेपासून प्रेरित आहे. घरात न्यूड किंवा वॉर्म कलर असतील, तर हे टेबल कॉन्ट्रास्ट लुक देईल. यावर तुम्ही मॉन्स्टेरा, चायनीज मनी प्लांट आणि स्मॉल कॅक्टस ठेवू शकता. तर, बॅम्बू स्लॅटेड फोल्डेबल प्लांटर टेबल हा पारंपरिक आणि मॉडर्न डिझाइनचा मिलाफ आहे. याचं X-शेप लेग सपोर्ट सिस्टीम याला इनडोअर आणि आऊटडोअर वापरासाठी परफेक्ट बनवते. याच्या पट्ट्यांमध्ये जागा असल्यामुळे पाणी साचून लाकूड खराब होत नाही.

