मोजकेच दिवस शिल्लक, Maruti Suzuki Grand Vitara वर 2.13 लाखांची बचत, वाचा कोणत्या व्हेरियंटवर किती सूट

Maruti Suzuki Grand Vitara gets 2 lakh 12 thousand discount : २०२५ संपायला आता काहीच दिवस शिल्लक आहेत. मारुतीकडून ग्रॅंड व्हिटारावर तब्बल २.१२ लाखांचा डिस्काऊंट दिला जात आहे. याचा सविस्तर तपशील जाणून घ्या.

Image Credit : Maruti Suzuki Nexa

विशेष सवलत जाणून घ्या

जर तुम्ही नवीन वर्षात एक दमदार SUV खरेदी करण्याचा विचार करत असाल, तर मारुती सुझुकी तुमच्यासाठी एक सुवर्णसंधी घेऊन आली आहे. मारुती सुझुकीने त्यांच्या लोकप्रिय 'ग्रँड विटारा' या मिडसाईज SUV वर वर्षाअखेरच्या विशेष सवलती जाहीर केल्या आहेत. या ऑफर्स अंतर्गत ग्राहकांना तब्बल २.१३ लाख रुपयांपर्यंतचे फायदे मिळू शकतात.

Image Credit : Nexa Cars Website

विविध मॉडेल्सवर आकर्षक ऑफर्स

ग्रँड विटारा सध्या पेट्रोल, सीएनजी आणि हायब्रीड अशा तीन पर्यायांमध्ये उपलब्ध आहे. कंपनीने आपला जुना स्टॉक संपवण्यासाठी आणि विक्रीत वाढ करण्यासाठी डिसेंबरअखेरपर्यंत या ऑफर्स सुरू ठेवल्या आहेत. विशेष म्हणजे, ग्रँड विटाराच्या 'स्ट्राँग हायब्रीड' व्हेरियंटवर सर्वाधिक सवलत दिली जात आहे.

Image Credit : Nexa Cars Website

व्हेरियंटनुसार मिळणारे फायदे:

१. स्ट्राँग हायब्रीड (Delta+, Zeta+, Alpha+): या मॉडेलवर सर्वाधिक म्हणजे २.१३ लाख रुपयांपर्यंतचा फायदा मिळत आहे. यामध्ये ७५,००० रुपयांची रोख सवलत, ५०,००० रुपयांचा एक्सचेंज बोनस आणि ५०,००० रुपयांचा अपग्रेड बोनस समाविष्ट आहे. याव्यतिरिक्त ६५,००० रुपयांपर्यंतचे स्क्रॅपेज फायदे आणि ३२,३२० रुपये किमतीची मोफत 'एक्सटेंडेड वॉरंटी' देखील दिली जात आहे.

Image Credit : Nexa Cars Website

२. पेट्रोल व्हेरियंट (Sigma, Delta, Zeta, Alpha):

ग्रँड विटाराच्या बेस व्हेरियंट 'सिग्मा'वर १.५१ लाख रुपयांपर्यंतची सूट आहे, तर 'डेल्टा' पेट्रोल व्हेरियंटवर १.३८ लाख रुपयांपर्यंतचे फायदे मिळत आहेत. झेटा आणि अल्फा व्हेरियंटवर साधारण १.४८ लाख रुपयांपर्यंतची बचत होऊ शकते, ज्यामध्ये ३०,८८० रुपये किमतीची मोफत एक्सटेंडेड वॉरंटी समाविष्ट आहे.

Image Credit : Nexa Cars Website

३. ऑल-ग्रिप (AllGrip - AWD) व्हेरियंट:

ऑफ-रोडिंगसाठी ओळखल्या जाणाऱ्या 'ऑल-ग्रिप' व्हेरियंटवर १.६३ लाख रुपयांपर्यंतचे फायदे दिले जात आहेत. यामध्ये ७५,००० रुपयांची मोठी रोख सवलत आणि इतर बोनसचा समावेश आहे.

Image Credit : Google

४. सीएनजी (CNG) व्हेरियंट:

किफायतशीर इंधनाचा पर्याय शोधणाऱ्या ग्राहकांसाठी सीएनजी व्हेरियंटवर १.०३ लाख रुपयांपर्यंतची सवलत उपलब्ध आहे. यात ३५,००० रुपयांची रोख सूट आणि प्रत्येकी २०,००० रुपयांचा एक्सचेंज व अपग्रेड बोनस मिळत आहे.

Image Credit : Google

सवलतीचे स्वरूप आणि मुदत

या सवलतींमध्ये प्रामुख्याने रोख सवलत, एक्सचेंज बोनस, स्क्रॅपेज बोनस, अपग्रेड बोनस आणि कॉर्पोरेट ऑफर्सचा समावेश आहे. या सर्व ऑफर्सचा लाभ ग्राहकांना ३१ डिसेंबरपर्यंत घेता येणार आहे. ही सवलत शहर, डीलरशिप आणि उपलब्ध स्टॉकनुसार बदलू शकते, त्यामुळे अधिकृत शोरूममध्ये चौकशी करणे फायदेशीर ठरेल.