Mahindra Launches India First AI Tractor: महिंद्रा अँड महिंद्राने भारतात पहिले 'बोलणारे' (AI Speaking) ट्रॅक्टर लॉन्च केले आहेत. आर्टिफिशियल इंटेलिजन्सने सुसज्ज हे ट्रॅक्टर चालकाला सूचना आणि अलर्ट्स देऊन शेतीची कामे अधिक सुरक्षित व सोपी करतात.
मुंबई : भारतीय शेतीमध्ये आता तंत्रज्ञानाची नवी क्रांती आली आहे. ट्रॅक्टर क्षेत्रातील दिग्गज कंपनी महिंद्रा अँड महिंद्राने शेतीची कामे अधिक हायटेक करण्यासाठी आपली नवी ट्रॅक्टर श्रेणी बाजारात आणली आहे. विशेष म्हणजे, हे भारतातील पहिले 'बोलणारे' (AI Speaking) ट्रॅक्टर ठरले आहेत, ज्यामुळे शेतकऱ्यांचा कामाचा अनुभव पूर्णपणे बदलणार आहे. भोपाळमधील 'ताज लेकफ्रंट' हॉटेलमध्ये एका दिमाखदार सोहळ्यात या नव्या श्रेणीचे अनावरण करण्यात आले.
काय आहे 'AI स्पीकिंग' तंत्रज्ञान?
या ट्रॅक्टरचे सर्वात मोठे आकर्षण म्हणजे यात असलेले आर्टिफिशियल इंटेलिजन्स (AI).
हा ट्रॅक्टर केवळ चालणार नाही, तर तो चालकाला आवश्यक सूचना आणि अलर्ट्सही देईल.
Related Articles
कामादरम्यान काही तांत्रिक अडचण असल्यास किंवा देखभालीची गरज असल्यास, हा ट्रॅक्टर स्वतःहून माहिती देईल.
यामुळे नवख्या शेतकऱ्यांसाठीही ट्रॅक्टर चालवणे अत्यंत सुरक्षित आणि सोपे होणार आहे.
महिंद्राने उतरवली 'दमदार' मॉडेल्सची फौज
कंपनीने या सिरीजमध्ये प्रामुख्याने चार मॉडेल्स लॉन्च केली आहेत, जी प्रत्येक प्रकारच्या शेतीकामासाठी उपयुक्त आहेत.
१. महिंद्रा 475 DI H1R: ज्यांना कमी इंधनात जास्त ताकद (High Torque) हवी आहे, त्यांच्यासाठी हे मॉडेल उत्तम आहे.
२. महिंद्रा 575 DI MS H1R: यात प्रगत हायड्रॉलिक्स आणि स्मूथ स्टीअरिंग आहे, ज्यामुळे दीर्घकाळ काम करूनही थकवा जाणवणार नाही.
३. महिंद्रा 575 DI H1R: हे मॉडेल नांगरणी आणि पेरणीसारख्या जड कामांसाठी विशेष डिझाइन केले आहे.
४. महिंद्रा 585 DI H1R: मोठ्या शेतजमिनीसाठी आणि कठीण कामांसाठी हे उच्च हॉर्सपॉवर (HP) इंजिनसह येते.
शेतकऱ्यांना काय होणार फायदा?
जास्त नफा: सुधारित इंधन कार्यक्षमतेमुळे डिझेलची बचत होईल.
कमी देखभाल खर्च: प्रगत तंत्रज्ञानामुळे इंजिनचे आयुष्य वाढेल आणि दुरुस्तीचा खर्च कमी होईल.
अचूक काम: AI मुळे शेतीची कामे अधिक अचूकपणे आणि वेळेत पूर्ण होतील.
