LPG सिलेंडर हवाय? मग 'हे' काम आधी करा! केंद्र सरकारचा नवा नियम; आता घरबसल्या होणार बायोमेट्रिक व्हेरिफिकेशन

LPG e-KYC Update: केंद्र सरकारने एलपीजी ग्राहकांसाठी बायोमेट्रिक आधार ऑथेंटिकेशन (e-KYC) अनिवार्य केले, जे आता मोबाईल ॲपद्वारे घरी बसूनही पूर्ण करता येते. गॅस तुटवडा हा भीतीपोटी होणाऱ्या अतिरिक्त बुकिंगमुळे असून नागरिकांनी अफवांवर विश्वास ठेवू नये.

Image Credit : X

सिलेंडर हवाय? मग 'हे' काम आधी करा! केंद्र सरकारचा नवा नियम

LPG e-KYC Update: गॅस एजन्सीबाहेरच्या लांबच लांब रांगा आणि "गॅसचा पुरवठा बंद होणार का?" या चर्चांनी सध्या सर्वसामान्यांमध्ये चिंतेचे वातावरण आहे. मात्र, घाबरून जाण्याचे कारण नाही! केंद्र सरकारने एलपीजी ग्राहकांसाठी 'बायोमेट्रिक आधार ऑथेंटिकेशन' (e-KYC) अनिवार्य केले असून, हे काम आता तुम्ही अगदी घरी बसूनही पूर्ण करू शकता. नेमका नियम काय आहे आणि सध्या गॅसचा तुटवडा का भासतोय? जाणून घ्या सविस्तर…

Image Credit : ANI

तासनतास रांगेत उभं राहण्याची गरज नाही!

पेट्रोलियम आणि नैसर्गिक वायू मंत्रालयाने ग्राहकांना मोठा दिलासा दिला आहे. आता तुम्हाला केवायसी (e-KYC) करण्यासाठी गॅस एजन्सीवर जाण्याची सक्ती नाही. तुम्ही खालील पद्धतीने घरी बसून हे काम करू शकता.

१. मोबाईल ॲपचा वापर: तुमच्या गॅस कंपनीचे अधिकृत ॲप (उदा. Indane, HP Pay, किंवा Hello BPCL) आणि 'Aadhaar FaceRD' हे ॲप डाऊनलोड करा.

२. चेहरा ओळखून व्हेरिफिकेशन: या ॲप्सच्या मदतीने तुम्ही फेस स्कॅन करून तुमचे बायोमेट्रिक प्रमाणीकरण पूर्ण करू शकता.

३. ऑफलाईन पर्याय: ज्यांना ॲप वापरणे जमत नाही, ते आपल्या जवळच्या गॅस वितरकाकडे (Distributor) जाऊन बायोमेट्रिक मशीनवर अंगठा लावून ही प्रक्रिया पूर्ण करू शकतात.

महत्त्वाची टीप: गॅस कनेक्शन वैध ठेवण्यासाठी आणि सबसिडीचा लाभ घेण्यासाठी हे व्हेरिफिकेशन करणे आवश्यक आहे.

Image Credit : ANI

गॅस तुटवड्याची ओरड का? जाणून घ्या 'होर्मुज' कनेक्शन

सध्या गॅसचा तुटवडा जाणवण्यामागे जागतिक कारणे आहेत. भारताची ९०% एलपीजी आयात 'स्ट्रोट ऑफ होर्मुज' (Strait of Hormuz) या सागरी मार्गावरून होते. पश्चिम आशियातील युद्धजन्य परिस्थितीमुळे हा मार्ग विस्कळीत झाला आहे.

परंतु, तज्ज्ञांच्या मते, सध्या भासणारा तुटवडा हा 'वास्तव' नसून 'आभास' आहे. भीतीपोटी नागरिक जास्तीचे सिलेंडर बुक करत असल्यामुळे वितरण व्यवस्थेवर ताण येत आहे. 

Image Credit : ANI

हॉटेल व्यवसायाला युद्धाची झळ

घरगुती ग्राहकांपेक्षा व्यावसायिक (Commercial) क्षेत्राला याचा मोठा फटका बसला आहे. १९ किलोच्या निळ्या सिलेंडरचा पुरवठा अनियमित झाल्याने अनेक छोट्या खानावळी आणि रेस्टॉरंट्स संकटात आहेत. परिणामी, अनेक विक्रेते आता गॅसऐवजी 'इंडक्शन' किंवा इतर विजेवर चालणाऱ्या उपकरणांकडे वळत आहेत. 

Image Credit : ANI

अफवांवर विश्वास ठेवू नका

कोणत्याही अफवांवर विश्वास ठेवू नका. आपले e-KYC वेळेत पूर्ण करा आणि गॅसचा वापर काटकसरीने करा.