१०वी-१२वी उत्तीर्ण विद्यार्थ्यांसाठी LIC ची शिष्यवृत्ती योजना

१०वी आणि १२वी उत्तीर्ण विद्यार्थ्यांसाठी LIC कडून शिष्यवृत्ती योजना राबवण्यात येत आहे. १०वी आणि १२वीच्या विद्यार्थ्यांसाठी ही शिष्यवृत्ती योजना आहे. आर्थिकदृष्ट्या दुर्बल कुटुंबातील विद्यार्थ्यांना शिष्यवृत्ती मिळणार असून, या योजनेला गोल्डन जुबिली स्कॉलरशिप स्कीम २०२४ असे नाव देण्यात आले आहे. ही शिष्यवृत्ती योजना सरकारी किंवा खाजगी विद्यापीठांमध्ये प्रवेश घेतलेल्या विद्यार्थ्यांसाठी खुली आहे.

LIC ची गोल्डन जुबिली स्कॉलरशिप स्कीम २०२४ ही आर्थिकदृष्ट्या दुर्बल कुटुंबातील विद्यार्थ्यांना उच्च शिक्षणासाठी मदत करण्याच्या उद्देशाने आहे, त्यांना चांगले शिक्षण आणि रोजगाराच्या संधी उपलब्ध करून देण्यासाठी आहे असे LIC ने म्हटले आहे. या शिष्यवृत्ती अंतर्गत दोन प्रकारच्या शिष्यवृत्त्या दिल्या जातील. पहरी, सामान्य शिष्यवृत्ती आणि दुसरी, मुलींसाठी विशेष शिष्यवृत्ती. ८ डिसेंबर पासून अर्ज मागविण्यास सुरुवात झाली असून, २२ डिसेंबर रोजी अंतिम मुदत आहे. अधिक माहितीसाठी LIC च्या अधिकृत संकेतस्थळावर https://www.licindia.in द्वारे अर्ज सादर करावा. फक्त ऑनलाइन अर्ज स्वीकारले जातील. 

कोण पात्र आहे?
सामान्य शिष्यवृत्ती

* २०२१ ते २०२४ या शैक्षणिक वर्षांमध्ये ६०% गुणांसह १०वी आणि १२वी (किंवा समकक्ष व्यावसायिक/डिप्लोमा) उत्तीर्ण असणे आवश्यक आहे. 
* कुटुंबाचे वार्षिक उत्पन्न २.५० लाख रुपयांपेक्षा जास्त नसावे. वैद्यकीय, अभियांत्रिकी किंवा व्यावसायिक अभ्यासक्रम यासारख्या क्षेत्रांमध्ये मान्यताप्राप्त संस्थांमध्ये उच्च शिक्षण घेत असणे आवश्यक आहे.

मुलींसाठी विशेष शिष्यवृत्ती
* मुलींसाठी राबवण्यात येणाऱ्या शिष्यवृत्ती अंतर्गत: LIC शिष्यवृत्ती २०२४-२५ मध्यंतर/१०+२, व्यावसायिक किंवा डिप्लोमा अभ्यासक्रमांसाठी मान्यताप्राप्त संस्थांमध्ये १०वी नंतर उच्च शिक्षण घेणाऱ्या मुलींना वार्षिक १५ हजार रुपये दिले जातील. तथापि, शिष्यवृत्ती दोन वार्षिक हप्त्यांमध्ये प्रत्येकी ७,५०० रुपये दिली जाईल. 
* या शिष्यवृत्तीसाठी ६०% गुणांसह १०वी उत्तीर्ण असणे आवश्यक आहे (किंवा समकक्ष CGPA).
* २०२४-२५ या शैक्षणिक वर्षासाठी उच्च शिक्षणाच्या पहिल्या वर्षासाठी प्रवेश घेतलेला असावा. 
* वार्षिक कुटुंबाचे उत्पन्न २.५० लाख रुपयांपेक्षा जास्त नसावे. 

अधिकृत LIC संकेतस्थळावर ऑनलाइन अर्ज सादर करावेत आणि सादर केल्यानंतर अर्जदारांना पोचपावती ईमेल मिळेल. विद्यार्थ्यांनी त्यांचे अर्ज ऑनलाइन भरावेत, संपर्कासाठी वैध ईमेल आयडी आणि संपर्क क्रमांक द्यावा ही महत्त्वाची बाब आहे.