या सामान्य लक्षणांकडे तुम्ही दुर्लक्ष करता का? सावधान, असू शकतो Lung Cancer!
lung cancer : फुफ्फुसाच्या कॅन्सरची काही सामान्य वाटणारी लक्षणं इथे दिली आहेत, ज्याकडे दुर्लक्ष करणं धोकादायक ठरू शकतं. ही लक्षणे दिसत असतील तर लगेच डॉक्टरांशी संपर्क साधा. अंगावर काढू नका. लवकर उपचार सुरु करा.
फुफ्फुसाच्या कॅन्सरची लक्षणं
फुफ्फुसाचा कॅन्सर हा धोकादायक कॅन्सरपैकी एक आहे. सुरुवातीला याची सामान्य लक्षणं दिसतात. श्वासनलिकेचा दाह किंवा अस्थमासारखी सामान्य लक्षणं दिसत असल्याने याचं निदान उशिरा होतं. इथे अशा ५ लक्षणांबद्दल सांगितलं आहे ज्याकडे दुर्लक्ष केलं जातं.
खोकला
जर तुम्हाला ३ आठवड्यांपेक्षा जास्त काळ सतत खोकला येत असेल, तर हे फुफ्फुसाच्या कॅन्सरचं लक्षण असू शकतं. सर्दी किंवा ॲलर्जीवर उपचार करूनही खोकला थांबत नसेल तर डॉक्टरांना भेटा. लोक याला सर्दी किंवा श्वासनलिकेचा दाह समजून दुर्लक्ष करतात. कॅन्सरची गाठ फुफ्फुसातील श्वासमार्गात अडथळा निर्माण करते, त्यामुळे खोकला येतो.
वजन कमी होणे
अचानक वजन कमी होणे आणि सततचा थकवा हे देखील फुफ्फुसाच्या कॅन्सरचे लक्षण आहे. या वजन कमी होण्याचा आणि खाण्यापिण्याच्या सवयींचा संबंध नाही. कॅन्सरशी लढण्यासाठी शरीराला जास्त ऊर्जेची गरज असते, त्यामुळे वजन झपाट्याने कमी होते. रोजची कामं करणंही कठीण होतं.
धाप लागणे
साधी कामं करतानाही धाप लागणे किंवा श्वास घेण्यास त्रास होत असेल तर सावध व्हायला हवं. सततचा थकवा, अशक्तपणा आणि श्वास घेण्यास त्रास होणे हे कॅन्सर आणि फुफ्फुसाच्या समस्यांचे लक्षण असू शकते.
खांदेदुखी
सततची खांदेदुखी फुफ्फुसाच्या कॅन्सरशी संबंधित असू शकते. लोक याला चुकीच्या स्थितीत झोपल्यामुळे होणारी वेदना समजतात. फुफ्फुसाच्या कॅन्सरच्या गाठींमुळे छातीत आणि खांद्यामध्ये सतत वेदना आणि अस्वस्थता जाणवते. हसताना किंवा खोकतानाही वेदना होऊ शकतात.
घोगरा आवाज
घशात संसर्ग किंवा सर्दी नसतानाही तुमचा आवाज घोगरा झाला असेल, तर ते फुफ्फुसाच्या कॅन्सरचे लक्षण असू शकते. फुफ्फुसाचा कॅन्सर स्वरयंत्राच्या कार्यावर परिणाम करतो. यामुळे नसांचे नुकसान होऊन आवाजात कायमचा बदल होऊ शकतो.
