रिलायन्स जिओने ११ रुपयांमध्ये वापरून संपवता येणार नाही इतका डेटा देणारा प्लॅन जाहीर केला आहे. एअरटेलला टक्कर देणारा हा प्लॅन आहे.
मुंबई: देशातील टेलिकॉम क्षेत्रात सध्या चुरशीची स्पर्धा सुरू आहे. मोबाईल सेवेत उत्तम रिचार्ज प्लॅन्ससह सर्व कंपन्या जोरदार लढत आहेत. दरम्यान, जास्त डेटाची आवश्यकता असलेल्या ग्राहकांना दुप्पट आनंद देणारा एक रिचार्ज प्लॅन खाजगी टेलिकॉम कंपनी रिलायन्स जिओने सादर केला आहे. दुसऱ्या एका खाजगी कंपनी भारती एअरटेलला हा रिचार्ज प्लॅन टक्कर देणार आहे.
जिओच्या या प्रीपेड रिचार्ज प्लॅनची किंमत ११ रुपये आहे. व्हॅलिडिटी आणि डेटा मर्यादा हे सर्वात आकर्षक आहे. केवळ एक तासाच्या व्हॅलिडिटीत जिओ १० जीबी डेटा देत आहे. मात्र हा अॅक्टिव्ह सर्व्हिस व्हॅलिडिटीत येणारा रिचार्ज प्लॅन नाही. ४जी डेटा वापरणाऱ्यांसाठी हा प्लॅन डेटा बूस्टर म्हणून गणला जाऊ शकतो. अॅक्टिव्ह सर्व्हिस व्हॅलिडिटी असलेला दुसरा कोणताही प्लॅन असलेल्यांना ११ रुपयांना रिचार्ज करता येईल. ५जी वापरकर्त्यांना असे डेटा बूस्टरची आवश्यकता भासत नाही.
केवळ एक तासाच्या व्हॅलिडिटीसह येणाऱ्या ११ रुपयांच्या रिचार्जमध्ये रिलायन्स जिओ १० जीबी ४जी डेटा देत आहे. एका तासाच्या आत मोठ्या स्टोरेज साईजचा चित्रपट किंवा इतर काही डाउनलोड करणाऱ्यांसाठी हा रिचार्ज उपयुक्त ठरेल. एचडी क्वालिटीत क्रीडा स्पर्धांचा स्ट्रीमिंग आनंद घेण्यासाठीही ११ रुपयांचा रिचार्ज मदत करेल. 'डेटा पॅक्स' या वर्गात हा रिचार्ज जिओने देशभर उपलब्ध करून दिला आहे.
याच किमतीत आणि डेटा मर्यादेत एका तासाच्या व्हॅलिडिटीसह भारती एअरटेलचाही डेटा प्लॅन आहे. मात्र सर्व जिओ, एअरटेल ग्राहकांना आनंद देणारा हा पॅकेज नाही. एका तासात १० जीबी पर्यंत डेटा वापरावा लागणार्या विशिष्ट परिस्थितीत हा रिचार्ज फायदेशीर ठरेल.
