सणासुदीच्या काळात मारुती सुझुकीने त्यांच्या लोकप्रिय Victoris SUV वर १.३६ लाख रुपयांपर्यंतची मोठी सूट जाहीर केली आहे. ५-स्टार सेफ्टी रेटिंग, २८ kmpl पेक्षा जास्त मायलेज आणि लेव्हल २ ADAS सारखे भन्नाट फीचर्स या गाडीत मिळतात.
मुंबई : सणासुदीच्या काळात नवीन SUV घेणाऱ्या ग्राहकांसाठी मारुती सुझुकीने काही भन्नाट ऑफर्स आणल्या आहेत. कंपनीने ऑक्टोबर २०२६ साठी विविध मॉडेल्सवर डिस्काउंट जाहीर केलेत. यात मारुती सुझुकीची लोकप्रिय मिड-साईझ SUV, Victoris वरही आकर्षक फायदे मिळत आहेत. ही गाडी खरेदी केल्यास ग्राहकांचे तब्बल १,३६,००० रुपयांपर्यंतचे पैसे वाचू शकतात. ५-स्टार सेफ्टी रेटिंग आणि २८ kmpl पेक्षा जास्त मायलेज ही या गाडीची सर्वात मोठी खासियत आहे.
Victoris वर १.३६ लाखांपर्यंत सूट
ऑक्टोबर महिन्यात Victoris खरेदी केल्यास ग्राहकांना थेट २०,००० रुपयांचा कॅश डिस्काउंट मिळेल. जर तुम्ही १० ऑक्टोबरपर्यंत गाडी बुक केली आणि २० ऑक्टोबरपर्यंत डिलिव्हरी घेतली, तर आणखी ११,००० रुपयांची अतिरिक्त सूट मिळेल. याशिवाय कंपनी ५०,००० रुपयांचा एक्सचेंज बोनस, २५,००० रुपयांचा स्मार्ट एक्सचेंज प्लॅन, ३०,००० रुपयांचा लॉयल्टी बोनस आणि १५,००० रुपयांची इन्स्टिट्यूशनल ऑफरही देत आहे. या सर्व ऑफर्स एकत्र केल्यास एकूण डिस्काउंट १,३६,००० रुपयांपर्यंत जातो.
Related Articles
२८ kmpl पेक्षा जास्त मायलेज
Victoris मध्ये पेट्रोल, हायब्रिड आणि CNG असे तीन पॉवरट्रेन पर्याय मिळतात. ग्राहक १.५-लिटर माईल्ड हायब्रिड, १.५-लिटर स्ट्रॉंग हायब्रिड आणि १.५-लिटर CNG इंजिनमधून निवड करू शकतात. याच्या स्टँडर्ड पेट्रोल मॉडेलमध्ये २१.१८ kmpl चं मायलेज मिळतं. कंपनीच्या दाव्यानुसार, CNG मॉडेल २७ kmpl तर स्ट्रॉंग हायब्रिड मॉडेल तब्बल २८.६५ kmpl पर्यंत मायलेज देतं.
फीचर्सने खचाखच भरलेली गाडी
Victoris चा बाहेरील लूक खूपच आकर्षक आहे. यात बोल्ड क्रोम ग्रिल, स्लीक LED हेडलाईट्स, मस्क्युलर बंपर आणि अलॉय व्हील्स दिले आहेत. गाडीच्या आतमध्ये प्रशस्त केबिन, प्रीमियम ड्युअल-टोन डॅशबोर्ड आणि १०.२५-इंचाची टचस्क्रीन इन्फोटेनमेंट सिस्टीम मिळते. याशिवाय पॅनोरमिक सनरूफ, ऑटोमॅटिक क्लायमेट कंट्रोल आणि व्हेंटिलेटेड फ्रंट सीट्स यांसारखे आधुनिक फीचर्सही या गाडीत आहेत.
५-स्टार सेफ्टी आणि लेव्हल २ ADAS
सुरक्षेच्या बाबतीत Victoris खूप पुढे आहे. भारत NCAP क्रॅश टेस्टमध्ये या गाडीने ५-स्टार सेफ्टी रेटिंग मिळवलं आहे. सर्व व्हेरियंट्समध्ये ६ एअरबॅग्स स्टँडर्ड फीचर म्हणून मिळतात. तसेच इलेक्ट्रॉनिक स्टॅबिलिटी कंट्रोल, हिल होल्ड असिस्ट आणि EBD सह ABS यांसारखे फीचर्सही यात आहेत. टॉप व्हेरियंट्समध्ये लेव्हल २ ADAS आणि ३६०-डिग्री पार्किंग कॅमेरा यांसारखे प्रगत फीचर्स मिळतात.
किंमत १०.५० लाखांपासून सुरू
मारुती सुझुकी Victoris ची एक्स-शोरूम किंमत १०.५० लाख रुपयांपासून सुरू होते आणि टॉप मॉडेलसाठी १९.९९ लाख रुपयांपर्यंत जाते. तुमच्या शहरावर आणि स्थानिक करांवर अवलंबून ऑन-रोड किंमत थोडी बदलू शकते. ज्या कुटुंबांना एकाच गाडीत चांगलं मायलेज, ५-स्टार सेफ्टी आणि आधुनिक फीचर्स हवे आहेत, त्यांच्यासाठी ही फेस्टिव्ह ऑफर एक उत्तम संधी आहे.
लक्षात ठेवा, आम्ही ही डिस्काउंटची माहिती विविध प्लॅटफॉर्म्सवरून गोळा करून दिली आहे. तुमच्या राज्यानुसार, शहरानुसार, डीलरशिप, स्टॉकची उपलब्धता, गाडीचा रंग आणि व्हेरियंटनुसार प्रत्यक्ष डिस्काउंटची रक्कम बदलू शकते. म्हणजेच तुमच्या जवळच्या डीलरकडे ही ऑफर थोडी कमी किंवा जास्त असू शकते. गाडी खरेदी करण्यापूर्वी अचूक डिस्काउंट आणि इतर माहितीसाठी तुम्ही तुमच्या जवळच्या डीलरशिपशी नक्की संपर्क साधा.
