Black Pepper Gardening : तब्बल ₹2000 किलोने मिळणारी काळी मिरी घरीच मिळवा, कुंडीत लावण्याची सोपी पद्धत!

How to Grow Black Pepper Plant at Home in a Pot : काळी मिरी हा एक महागडा मसाला आहे, जो बाजारात तब्बल १८०० ते २००० रुपये किलोने मिळतो. पण तुम्हाला माहित आहे का? हीच काळी मिरी तुम्ही घरी अगदी सहज लावू शकता. 

Image Credit : Getty

काळी मिरीचं रोपटं घरी

हो, काळी मिरीचं रोपटं घरी अगदी सहज लावता येतं. हे एक वेलवर्गीय (क्लाइंबर) रोप आहे. तुम्ही नर्सरीतून लहान रोप आणून लावू शकता किंवा बियांपासूनही ते उगवू शकता.

Image Credit : Getty

१२ ते १६ इंचाची कुंडी घ्या

काळी मिरीचं रोपटं लावण्यासाठी आधी १२ ते १६ इंचाची कुंडी घ्या. तिच्या तळाशी पाणी जाण्यासाठी एक छिद्र (ड्रेनेज होल) नक्की करा. आता ४०% बागेतली माती, ३०% शेणखत, २०% वाळू आणि १०% कोकोपीट एकत्र करून पाणी निचरा होणारी चांगली माती तयार करा.

Image Credit : Getty

चांगल्या प्रतीचे दाणे घ्या

काळी मिरीच्या बिया लावण्यासाठी चांगल्या प्रतीचे दाणे घ्या किंवा नर्सरीतून लहान रोप आणून ते मातीत लावा. बिया लावण्यासाठी, त्या ४-५ तास पाण्यात भिजवून ठेवा. नंतर मातीत १ इंच खोलवर लावा. हलकं पाणी द्या आणि कुंडी अशा ठिकाणी ठेवा जिथे अर्धवट ऊन किंवा सावली असेल.

Image Credit : Getty

कुंडीतील माती हलकी ओलसर ठेवा

काळी मिरी हे वेलवर्गीय रोप आहे. त्यामुळे वेलीला वर चढण्यासाठी लाकूड, जाळी किंवा दांड्याचा आधार द्या. कुंडीतील माती हलकी ओलसर ठेवा. पाणी साचू देऊ नका. आठवड्यातून फक्त २ ते ३ वेळा पाणी द्या आणि दर २ ते ३ महिन्यांनी सेंद्रिय खत घाला.

Image Credit : Getty

२० ते ३५ डिग्री सेल्सिअस तापमानाची गरज

काळी मिरीचं रोप लावण्यासाठी उष्ण आणि दमट हवामान सर्वोत्तम असतं. म्हणजेच, तुम्ही मार्च-एप्रिल महिन्यात हे रोप लावू शकता. या रोपाच्या वाढीसाठी २० ते ३५ डिग्री सेल्सिअस तापमानाची गरज असते.

Image Credit : Getty

२ ते ३ वर्षांनी फळं यायला सुरुवात

काळी मिरीच्या रोपाला साधारणपणे २ ते ३ वर्षांनी फळं यायला सुरुवात होते. सुरुवातीला याचे दाणे हिरवे असतात. ते सुकल्यावर काळी मिरी तयार होते. ही काळी मिरी तोडून तुम्ही मसाल्यात किंवा जेवणात वापरू शकता.